THAT PALEH, BAYEU MEUHAI LISEUTREP JI PEUMATE BAK PKA
Nasaja Berita — Banda Aceh, Macam keujadian di PKA kalinyoe rupajih. That get teuh kupeugah. Bak geurbang salah ji tuleh kalimah tayibah.
Ka ji ubah, ka beutoi tulesan kalimah tayibah. Cuma meumada tipek sticker, ji timpa ngen keurtah spanduk. Sinoe neu klik neu kalon.
Nyoe kalinyoe ka bhah lampu ji peumate jan nyang galak awak PLN. Pokok jih awak meukat duk lam supot. Alamat ji peungeut le ureung bloe. Han teunte han, ken auliya mandum awak tanyoe. Bah pih bumoe auliya Nanggroe Aceh meutuwah nyoe.
Di ureung meukat that brat icaih geuh. Lheuh meuhai lapak, ta tamah bayeu keu liseutrep lom. Lheuh dumnan get sep jai ta bayeu, matee lampu lom. Lam-lam sagoe i teume jajah teuh. Haba ureung meukat.
Teuman bah matee lampu nyan seubeutoi jih hana payah ta meurayek masalah nyan. Sit ka meunan. Dumpu acara matee lampu. Teungoh ji maen bola, matee lampu stadion, teungoh teuraweh matee lampu seumijid ngen meulasah. Teuman ken ka paih.
Awak Aceh ka keubai ngen bhah mate lampu. Di rumoh pih le matee lampu ngen udep. Bak dapu teungoh ta magun, mate lampu, ukuran nah breuh watee ta tagun, ka meu jeum manteng meu ie breuh. Goh jeut keu bu lom.
Meunyoe ban-ban kawen lagee ngen Apa Raban sit that galak jih keu matee lampu. Asai ie lam bak manoe beu punoh watee beungöh ka abeh urusan.
Nyan keuh ban nanggroe Aceh hebat meusyari'at. Hanjeut that ta kheun nah, teungog ji mat le awak nyan. Adak droe teuh mat pih tuha adoe nibak aduen.
0 Response to "THAT PALEH, BAYEU MEUHAI LISEUTREP JI PEUMATE BAK PKA"
Post a Comment