NYANG PAKAT GANTOE PRESIDEN BEK TUWÖ JAK. MANGAT SAHEH, BEK GABUK BAK FACEBOOK
Nasaja Berita Banda Aceh, Haba mameh keu rakan nyang na di Aceh nyang na niet ikot deklarasi #2019GantiPresiden gantoe presiden, lagee bak gop, kajeut peusiap droe ju. Meunurot info nyang ka trok bak Apa Raban selaku admin dari web berita nasajaberita.com, saboh situs web berita lam basa Aceh, acara deklarasi gantoe presiden akan jadeh ji peuget di stadion H. Dimoertala, Lampineung.
Kali nyoe akan troh sit Mardani Ali Sera seulaku nyan poe pihak, ureung phon that peuget tagar/ hastag gantoe presiden #2019GantiPresiden. Na neu tusoe soe Mardani nyan? Nyan politisi PKS. Meunurot info, rayek that kemungkinan beliau nyan akan gantoe posisi Sandiaga Uno di kursi Wagub DKI Jakarta, seubab bang Sandi ka geucalon droe jeut keu Wapres bersama dengon Prabowo. Keu saheh ngen kken, hom. Seubab hana ta bukti lom. Ta eu ukeu kiban. Prabowo ken ka neu tusoe? Meuhan rugoe droeneuh awak Aceh, meu Prabowo hana neu tusoe.
Ken cuma Mardani Ali Sera nyang jak, karena menurot rencana, Si Alang ijak sit. Si Alang nyan hana that ta turi pih le tanyoe di Aceh. Jih awak peuget lagu gantoe presiden #2019GantiPresiden. Meunyoe di luwa Aceh, ka ji thee nan jih. Di Aceh, hana that peurle pih ta tusoe beliau nyan. Seubab ken ureung peunteng that.
Na sit Rafly kande, nyan ka neu turie ken? Awak kheun lagu "Hasan ngen Husen cuco di Nabi, aneuk bak siti Fatimah Zuhra". DPD Aceh jinoe sajan Haji Uma Eumpang Breuh.
Jadi singoh ureo lheuh Asa, poh peu supot sampe poh nam acara di stadion. Nyan ubee na kkader PKS jak peurame. Nyang kken kader jak ju sit, asai saboh tujuan. Bek karu-karu. Tanyoe Aceh ka hek teuh udep lam karu. Pu lom lam prang, meu mayet syedara Ma ngen Ku teuh hana meupat jrat lom inoehat.
Dan nibak malam jih, uroe Sabtu, malam Aleuhad -Minggu- lheuh isya, na silaturrahim sabe-sabe relawan tagar #2019GantiPresiden gantoe presiden, sideh di Dayah Tu Bulqaini di Lueng Bata. Seulaku beliau nyan ketua deklarasii di Aceh. Nyang na rencana jak, neu jak ju. Bek neu peu preh le,
Hana trep lheuh nyan eunteuk akan na sit deklarasi dukong Jokowi. Meunurot info intelijen, na sit ulama Aceh sajan Jokowi. Ta preh mantong eunteuk soe, watee ka jadeh deklarasi. Bek gundah neuh, teutap Apa Raban beritakan bak Nasaja Berita. Ji thee le kaphee berita bak nasajaberita.com hana hoax. Seip that tabayun, keu referensi leubeh.
0 Response to "NYANG PAKAT GANTOE PRESIDEN BEK TUWÖ JAK. MANGAT SAHEH, BEK GABUK BAK FACEBOOK"
Post a Comment