NYAN COK! MASYARAKAT JI MEUPAKE CALON PRESIDEN JI MEU WA-WA
Nasaja Berita — Jakarta, Presiden Jokowi ngön Prabowo teukhem that seubab meunang awak pencak silat bak Asian Game bunoe. Jokowi ngön Prabowo nakeuh dua droe bakal calon Presiden untuk Indonesia bak pileh presiden 2019 ukeu. Sakeng seunang that seubab antlet Indonesia meunang, ka geu meu wa-wa, geu meu um-um. Ka lagee aneuk muda teungöh di manok cinta neu kira ju. Seunang leupah na.
Meunurot leumah kamoe kalön bak tiphi, Jokowi meu um-um ngen Prabowo watee sidroe atlet pencak silat, si Hanifan lheuh ji cok medali meuh, ji ek u tribun VVIP bak Presiden duk. Ji salam, ji com jaroe Jokowi dan Prabowo, ji wa ju mandua ureung nyan, deungon ji limbot droe ngen bendera Indonesia.
Teuman kön han tom ta kalon momen nyoe. Beukah ji surak ureung lam stadion, geu prok-prok jaroe leupah na teuh. Sampe-sampe Pak Jusuf Kalla seulaku wakil Presiden dan si Puan aneuk ibu Mega pih geu beudöh döng proek-proek jaroe, seunang meubahgia.
Sinoe neu klik neu kalon Video
Sinoe neu klik neu kalon Video
Prabowo seulaku keutua IPSI, awak pencak silat Indonesia, sit sabee geujak bak tandeng silat seulama Asian Game. Memang bereh Prabowo. Adak Jokowi pih bereh. Le ge ka geujak nonton langsong Asian Game. Na hie peurhatian keu atlet-atlet.
Teuman jinoe lheuh ta kalon ureung nyan meu um-um meu wa-wa mesra. Pu pendukung dari cebong dan kampret mantöng meupake, meu beungeh-beungeh, maen teunak Ma nyang ka lam uruek dum. Ka sep syedaea meutuwah. Gob nyang ek Presiden, tanyoe nyang meudawa sabee keudroe.
Nasaja Berita, Apa Raban cok beurita bak CNN dan Klikkabar. Dan na langsong meu nonton bunoe bak Tiphi.
0 Response to "NYAN COK! MASYARAKAT JI MEUPAKE CALON PRESIDEN JI MEU WA-WA"
Post a Comment