NANGGROE SYARI'AH, KALIMAH TAYIBAH EK SALAH TULEH
 |
| Foto : Geurbang PKA (FB/ Buya) |
Nasaja Berita — Banda Aceh, That geu pup daih neukira ju. Ek na teuh bak bhah tulesan kalimah tayibah salah ji tuleh. Nyan bak soe ji jok proyek tuleh kaligrafi. Pu hana soe kalön watee ji tuleh. Padum abeh keu anggaran peng nanggroe keunan.
Dum acara ube PKA han ek ta seumike, pu sit gadoh peugah droe bansa teuleubeh ateu rueng donya. Peng abeh keu PKA 70 Milyar leubeh, nyan tulesan salah, kakeuh bah meunan. Peu kakeuh ju, na can ji tak teuh le geulanteu.
Teuman meunoe nah, pu beurangkapu, ban beurangkaban, adak meujeut nyan ci ubah ju. Jok peng keu awak tuleh kaligrafi, ukuran peng parkir. 100 boh honda pih ka sep. Seubab yum parkir kalinyoe teuset leubo teuh. Sep si ge ta jak sang. Han teuka jak teuh le.
Meunyoe golom meupat salah, beh ci neu peurhati, pat salah nyan tulesan. Neu bleut, neu glip beu pah. Meunyoe neupeugah hana salah, neu jak tes ucap syahadat si ge teuk. Pu ek paih? Bek kadang sit meu syahadat pih kadang mantöng singet.
Meunurot nyang leumah bak poto nyan, ka tan na Illa (الّا) kalimat nafi nyang makna jih seulaen, lheuh ta peutan bak La (لا) nyang keuphon. Meunyoe ka tan Illa, kakeuh makna, Hana Tuhan Allah, ken Hana Tuhan Seulaen Allah. Teuman ken ka bahaya bagi ureung baca. Nya model, pu meu geulanteu tak, ngen-ngen apui rukok pih sang ji teumee angöh teuh.
Meunyoe ta peugah bak panitia, mudah that jawaban, silap dan tuwe ji peugah. Kop mudah neu kira ju. Seubab jeut ta peu eleh ata nyan. Adak salah ta tuleh, han ji bahu teuh le KPK. Hana tingat neuraka lieh teuh singöh uroe dudo.
Peng sagai beu le keu panitia, alah ma beh teuh. Leupah na teuh di Lolem Deurieh meupep-pep kalinyoe sajan Apa Dolah sira meujep kupi.
Apa Raban mantöng lam lumpo ateuh kaso.
0 Response to "NANGGROE SYARI'AH, KALIMAH TAYIBAH EK SALAH TULEH"
Post a Comment