KUREUNG AJA! GARA-GARA MABOK SAKA. JI TEM TÖT RUMOH LAM UROE RAYA
Nasaja Berita — Pidie, That ancoe aneuk muda nyoe, keubiet kureung aja. Gara-gara han ek bloe saka. Brat that ka candu, alahai gam bakong. Icaih teuh bak ta baca.
Aneuk muda Gampong Jeumpa, Geulumpang Lhee, Pidie, ji töt rumoh Ma jih nibak uroe raya haji baroe, uroe Rabu tanggai 22 Agustus, teungoh cot uroe. Poh seuteungoh 3, watee reun gampong teungoh gabuk bak sie Kureubeun.
Meunurot info dari Tribatanewspolrespidie, keujadian nyan gara-gara si gam nyan (SR, 32 thon) ji lakee peng bak Mak jih keu jak bloe sabe, teuman han geu brie le Cut Asiah ( Mak si gam nyan, 60 thon ka umu). Wap han geu brie peng keujih, rumo ji töt. Hana utak aneuk.
Geupeugah le pak Kapolres Pidie, AKBP Andy Nugraha Setiawan Siregar, SIK (that panyang nan geuh pih di pak Kapolres meutuwah nyan) melalui babah pak Kapolsek Geulumpang Lhee, Iptu Much Yusuf melalui Humas Polres Pidie, rumoh nyan dari kayee abeh angoh rumoh, jeut keu abee. Hai rumoh kayee kiban han.
Bek ilee, le that melalui melalui lagoe bak ta rawi haba. Tapi hana meudaleh nyan sanad ka jeulaih, anti hoax, neukira ju.
Si uroe seugolom nyan, bak uroe meugang tanggai 21 perabot rumoh ji töt. Teuman na ureung kalon, jadi han i teume abeh, langsong trok ureung jak peumatee apui. Lam uroe Lasa tanggai 22 (bak uroe raya), keubiet rumoh-rumoh ji töt. Sang brat pungoe ka si gam ta'eun budok nyan.
Meunurot dugaan, si SR pungoe nyan ji töt rumoh gara-gara ka sakau. Meunurot kira-kira, na sugqoe sekitar 70 juta Rupiah. Si gam pungoe nyan mantöng ji mita-mita le Peulisi sampoe inoehat. Sang meunyoe i teume, reumök muka ji poh, han löt helm neu kira ju.
Nasaja, nyan ta jaga aneuk teuh, ureung lingka, bek sagai-sagai keunöng saka mabok nyan (istilah ureung Aceh keu sabe budok nyan).
Nyoe Apa Raban cok berita bak acehsatu beh.
0 Response to "KUREUNG AJA! GARA-GARA MABOK SAKA. JI TEM TÖT RUMOH LAM UROE RAYA "
Post a Comment