KA PALOE, PAKÖN EK BEDA UROE RAYA TANYOE NGÖN AWAK ARAB
Nasaja Berita — Banda Aceh, Uroe raya haji kalinyoe beda uroe uroe raya nibak tanyoe di nanggroe Aceh dan Indonesia deungön sideh di Arab. Di Arab, uroe Seulanyan (Senin) ka geu jak wukuf u tanoh Arafah ubee na jama'ah nyang meurupakan puncak daripada ibadah haji. Pu keuh saket, pu keuh pungoe, asai mantöng meu naphaih pokok jih wajeb jak u Arafah.
Teuman kiban cara ek beda? Nyan kön jeut keu soalan keu geutanyoe di Nanggroe. Pu lom na puasa bak uroe Arafah. Teuman pu uroe sit ta puasa, singoh uroe Seulanyan lagee watee wukuf Arafah, atawa uroe Lasa lagee meunurot geu bileung umu buleun sinoe di nanggroe?
Sinoe neu klik neubaca : Malam Angen Badee di Mina, Singöh Uroe Ka Geu Wukuf.
Jadi macam pendapat na di jih bak masalah nyan. Teuman geupeugah le Teungku-Teungku atawa Abu-Abu nyang na sidroe sapat teuk, ulama-ulama tanyoe nyang leupah malem-malem dan shaleh Tuhan brie, jih bak but ibadat nyang meukumat ngön watee, teutap ikot kiban watee nak nanggroe droe. Seubab kheun Nabi lam hadih, geuyu jak kalön aneuk buleun mangat meupu uroe meupu tanggai pajam ta ibadah. Meunan sit bak uroe raya Haji. Buleun di nanggroe tanyoe di tunyok uroe Aleuhan (Minggu) malam Seulanyan (malam senin) nyang ka leupah, tanggai 12 Agustus nyan na keuh malam phon buleun Haji (Zulhijjah). Maka ta ikot buleun. Sideh di Arab awai leumah buleun, maka ureung sideh pun geu ikot uroe leumah buleun. Nyan ban.
Adak ulama sideh di Arab pih meunan geu peugah. "Meunyoe na beda wate leumah buleun di nanggroe ngen di sinoe (Arab) bah pih kamoe sinoe ka wukuf, ureung droeneuh ikot kiban nyang leumah di Nanggroe." Kheun sidroe ulama Saudi lam thon 2015 awai.
Nasaja Berita.
0 Response to "KA PALOE, PAKÖN EK BEDA UROE RAYA TANYOE NGÖN AWAK ARAB"
Post a Comment