KA PAIH, JUDUL PKA TAPI MEUHIE PKG
Nasaja Berita — Banda Aceh, That meulaen PKA kalinyoe neu kira ju hai rakan meutuwah. Bak acara pembukaan beuklam, di stadiom Harapan Bangsa, Lhoong Raya, get that meugayo rasa PKA.
Hai nyoe Apa Raban cuma meulapor lam berita beh. Ken meujak kheun meunoe meudeh. Hana, Apa Raban ken ureung meunan. Bek eunteuk lagee berita baroesa. Masa keu Apa Raban ji kheun cebong, awak lieh leubo Ahok. That weuh atee Apa Raban neu kira ju. 3 uroe hana Apa Raban peu ek berita. Sedih teuh.
Teuman kalinyoe bah Apa Raban peu ek lom berita. Seubab nah, nasaja berita neukira ju.
Jadi PKA kalinyoe memang lagee agak-agak tabeu meunan. Nyang phon hana Bang Wandi, nyang lagee awai sit pah that ju geu meucagok watee pidato.
Meunurot info, awak duek re keu pih ramee awak Gayo kalinyoe. Teuman ya lagee haba nyan. Jinoe soe duek keu pangulee, ureung gayo. Ka wajar. Pajan sit lom. Bak pembukaan ya beu leumah lah, soe poe acara kalinyoe. Hai memang sih, gayo nyan Aceh sit. Tapi ken bek meunan that.
Di Presiden pih item jak bak Acara poco-poco. Han ijak u Aceh. Adak meudeh ken beutrok ijak. Pu lom karap pileh Presiden, pu hana i niet le Aceh nyoe. Bak acara 5 thon si ge han ijak. That beu ö Jokowi nyan. Di awak dinaih pih bak koran baroe ji tuleh Presiden buka acara. Trok uroe H ka tan.
 |
| Foto: Fb/Tun |
Nyan bak hana trok Presiden, lampu-lampu hana get hu kalinyoe. Trok keunan ji hemat listrek di awak panitia.
Teuman aleh nyoe bit ji hemat. Aleh memang sit tan lampu. Meunyoe tan lampu neukira ju, leubeh get bek trok Presiden. Male teuh. Lam supot ta yu duk. Ken lampu di teungoh nyan. Tapi lampu sorot nyang lhoh awak maen bola nyang bak sagoe nyan ken na. Nyangkeuh lampu nyan.
Kakeuh hom, ata kalheuh. Nyan rakan-rakan bek tuwe neujak bak PKA. Bek le neujak u Stadion Harapan Bangsa di Lhoong Raya beh. Keudeh u Lampriek neujak. Bak Taman Sulthanan Shafiatuddin, di likot kanto Gubernur.
0 Response to "KA PAIH, JUDUL PKA TAPI MEUHIE PKG"
Post a Comment