PKA KARAP, MANTÖNG HANA MEUSOE BUKA ACARA

Foto: Fb/PKA (Pekan Kebudayaan Aceh) VII

Banda Aceh - Poeperintah Aceh ka geujamin untuk acara PKA (Pekan Kebudayaan Aceh) kaki nyoe yang kali keu tujoh (ke-7), teumpat-teumpat dan seugala nyang peurle ka lheuh meu uroh. Cuma hana meusoe lom soe buka acara.

PKA meunyoe na umue panyang, minggu ukeu ka ta mulai. Nibak tanggai 5 Agustus 2018 dan akan ta top nibak tanggai 15 Agustus. Meusige ngen uroe ta peuingat keulayi uroe meusejarah MoU Helsinky, seubab tanyoe Aceh ka damee ngen awak RI. Teumpat acara lagee biasa di taman PKA atawa Taman Sulthanah Shafiatuddin, di likot kanto Gubernur, Lampriek.

Kepala Biro Humas dan Protokol Setda Aceh, Pak Rahmad, S.Sos., geupeugah watee pembukaan singoh PKA-7 na padum-padum boh acara seremonial dan penampilan, salah saboh jih tarian massal kolosal.

Cuma hana geupeugah pu tarian, dan kiban. Bek sampe tarian Nyai Ronggeng atawa goyang tiktok. Han ek ta khem.

Geupeugah le Pak Rahmad nyan bak awak portalsatu beuklam, "Pembukaan PKA lusa nyan meunurot rencana langsung Pak Jokowi seulaku Presiden Indonesia nyang jak buka. Surat kalheuh ta kirem dari awai keudeh u istana. Ka jameun ka, ka padum buleun u likot. Cuma ya lagee haba nyan, hana geubalah-balah lom. Surat ka trok, tapi hana jawaban lom dari Presiden".

That na teuh, lagee cewek lagak keudeh. Hana ji balah surat. Hana i jaweub i tem atawa han. Huft si ge.

Meunyoe memang jadeh teok Jokowi, seulaen buka PKA, bah meusige ju ngen agenda laen. Lagee jak glöng pateng keu jalan tol pulo Sumatera di daerah Blang Bintang. Dan jak resmikan Flyover (jembatan layang) dan underpass (jalan lam tanoh) le Presiden. Meunan nyang na ta rencana.

Foto: Fb/Taman Ratu Shafiatuddin

Sebenar jih na saboh teuk, yaitu peresmian Mesjid At Taqarrub di Trienggadeng, Pidie Jaya. Teuman aleh ek jadeh geu jak pih di Pak Presiden, nyan pih hom.

@ApaRaban

Share this post