KAJEUT BLOE "MAK RAH PIRENG" KEU PEURUMOH
Nasaja Berita –Aceh Rayek, Toke sabon, Muhajiburrahman peugah bahwa jinoe barang Mak Rah Pireng ata PT. Indoraya Karya Bangsa ka lheuh ji tes dan ka luloh SNI (Standar Nasional Indonesia) bak thon 2018 nyoe. Dan ka na setifikat halal dari MUI.
Geupeugah le Toke Muha, "Meunyoe sabon biasa ken ata ie boh kuyun atawa lemon. Nyoe ata geutanyoe Mak Rah Pireng nyoe pakek ie boh limeng atawa ie boh sunti nyang kalheuh meu olah." Meunan geu peugah le gobnyan watee na acara di Aula Balai Gampong Leubok Gapuy, Aceh Rayek uroe Jumat barosa.
"Sinan lam PT nyan na 12 droe ureung tanyoe nyang keurija peuget-peuget sabon. Sabon Mak Rah Pireng nyan ka rap ban saboh Aceh Rayek ngen Banda Aceh na ta peuduk. Ta yu peulagot bak keude." Kheun Toke Muha.
Lheuh nyan geu sambong lom, "Neu kira ju, lam sibuleun peurle 400 kilo boh sunti keu bahan baku ta olah Mak Rah Pireng. Dan tok di Aceh khong nyang na boh sunti."
Jadi meunurot info, asam sunti atawa boh limeng pageu ka get lagot lom di Aceh Rayek. "Jinoe ngn ureung gampong Lubok Gapuy ka ta keurija sama keu ta bloe boh sunti nyan keu ta peuget sabon."
Nyang hayeu, na saboh keude kupi nyang ka meusyeuhu di Banda Aceh, ka ji pakek Mak Rah Pireng untuk rhah glah, ceupe ngen pingan ngen tanca bak keude kupi. Nyan ban kira ju. Meunyoe keu yum sabon nyan jinoe manteng lam masa promo. Jadi murah that-that manteng neu kira ju. Sikhan lite 9 ribe sagai. Meunyoe ta bloe 5 liter sit 50 ribe rupia. Karena yum lam jiregen 10 ribe rupia si lite.
Pakon seuteungoh lite 9 ribe? Meuhai paruk (plastik bungkoh).
@ApaRaban cok bak portalsatu
0 Response to "KAJEUT BLOE "MAK RAH PIRENG" KEU PEURUMOH"
Post a Comment