Hayeu That! Teungoh Geu Bo Mon keu Kebutuhan ie Seumijid, Jiteubiet Lumpur dan Gah Panah

Table of Contents

Banda Aceh | Masyarakat Gampong Meunasah Tingkeum, Kecamatan Madat, Kabupaten Aceh Timur, teukeujot wap jiteubiet gaih dan lumpur panaih dari mon bo bak leun seumijib, Rabu, (1/7/2026).

Padahai ureung nyoe geu bo mon nyan untuk tujuan bah se pie keu seumijid. Geuchiek Gampong Meunasah Tingkeum, Zahrul, peugah nyang bahwa ka mulai bo mon dari uroe Lasa, baroe.

Watee ka ji tamong mata bo trok bak kedalaman 78 mete, rot ruhueng nyan ji teubiet lumpur panaih, ji po u luwa keunoe bak tanoh.

“Phon leupah manyang ji po lumpur nyan. Jinoe mantong sit,teuma hana that le lagee phon-phon,” kheun Zahrul.

Meunurot gobnyan, sampe inoehat uroe, Rabu cot uroe, lumpur mantong ji teubiet sit, teuma hana brat le lagee ban-ban ji teubiet.

Aparat keamanan ka trok ijak pasang police line sekitaran Lokasi, bah bek geujak ureung keunan jak peutoe nyan. Takot-takot teupeh ureung. Zahrul geu meungaku nyang bahwa hana pat meu peupasti lom, pu seubab ek sampe lagee nyan.

Lheuh nyan gobnyan, hana geuteupu sit lom pu atra kandungan material nyang ji teubiet nyan, ek sampe lagee nyan ji teubiet lagee gaih, pu keuh na unsur hidrokarbon atawa pu laen.

“Kamoe pane na meuteupu teuma nyan, sit kon bideung kamoe nyan. Kakeuh ta preh ijak awak pareksa ilee baro ta teupu.” Kheun Pak Geuchiek.

Teuma, sampe inoehat ka lheuh ji ek berita nyoe, golom na instansi lingkungan hidup atawa pihak laen di sektor migas nyang trok u Lokasi untuk ijak pareksa sumber lumpur nyan atawa pu asoe material Nyang ka ji teubiet nyan.

Meunurot informasi nyang ka na, na padum pat ka keujadian nyang rap-rap saban meunan di Aceh Timu. Bak buleun Januari baroe, keujadian teungoh ji bo mon sit di di Gampong Paya Deumam Lhee, Kecamatan Pante Bidari.

Berita nyoe kalheuh tayang bak Bithe.co deungon judul Pengeboran Sumur Air Masjid di Aceh Timur Berujung Semburan Lumpur Panas