Yum Meuh Ka Mulai Jitren, Aneuk Muda Bek Bre
Nasaja Berita - Calang, Nyan hai, ka mulai jitren yum meuh di Calang, Aceh Jaya. Na neutupat Aceh jaya,? Menyo tajak dari banda Aceh, blah deh Gunong Geurete. Gunong Geureute nyan ka Aceh Jaya sit. Bek eunteuk ka dawa.
Ka can aneuk muda bak sang. Ka hana can that meubacut kon be can. Asai bek can beuracoh mantong.
Seugolom jih meunurot info dari intelijen nyang tinggai di kawan Aceh Jaya, yum meuh sideh trok 3 juta rupiah. Kalinyoe ka mulai jitren bak 2,9 juta rupiah untuk yum si manyam.
Geupeugah le bang Mulya (43 thon) salah sidroe awak meukat meuh, nyoe ka limong uroe ka jitren meuh jeut keu 2,9 juta si manyam. Dan meunurot geukira-kira le beliau nyan, mungken akan jitren lom.
"Meunyo meuh murni jioe ta publoe 29 juta si manyam, seudangkan meuh London, 2,8 juta si manyam." kheun bang Mulya.
Memang seulama pandemi Covid-19, na tom ji ek yum meuh trok bak yum 3,3 juta si manyam. Ukuran ji moe ba e aneuk muda baroesa. Ka rap h'an jadeh kawen dum. Alah na nego ngon calon Yah Tuan, jeut meuutang. Hai nyan na keujadian beh. Laporan intelijen di lapangan meunan. Cuma nyan rahsia perusahaan, han jeut ta peugah soe dan pat keujadian kasuih nyan.
"Awai baroesa yum meuh, jiteume duek bak yum 3,3 juta si manyam. Leupah meuhai kiraju. Nyan paleng meuhai lam seujarah. Nyoe jinoe ka jitren bak yum 2,9 juta untuk si manyam meuh." Meunan gepeugah le bang Mulya.
Apa meubaca bak AJNN. Sangkira meuturi ngon bang Mulya meukat meuh, ka awai Apa tanyong keudroe. Nyoe bak h'ana meuturie, kakeuh suah preh jitanyong le awak AJNN ilee baro jeut ta tuleh. Nasaja kiraju.
0 Response to "Yum Meuh Ka Mulai Jitren, Aneuk Muda Bek Bre"
Post a Comment