Saban Lagee Uni Emirat Arab, Bahrain Ka Meurakan Keulayi Ngon Israel
Nasaja Berita - Washington, Kapaloe teuh, saboh-boh nanggroe di Arab sideh ka mulai meurakan ngon awak Israe. Kamulai peurumeh-rumeh droe dum. Padahai ka meuploh thon ka hana hubungan sapu. Lheuh baroe nanggroe Uni Emirat Arab, nyoe ka Bahrain teuman. Ukuran hana cilet-cilet, hubungan diplomatik punoh, kon cilet-cilet.
Nyang jeut keu utak teutap Amerika Serikat supaya awak Arab beu toe keulayi ngon Israel. Hai nyo, si Donald Trump budok nyan nyang brie pengumman bak uroe Jeumeu'at tanggai 11/9 baroe.
Meunyo kheun si Trump nyan, "terobosan bersejarah", abeh bet jipujo. Pu terobosan seujarah, seujarah peuanco umat islam dan bansa Arab. Di Apa Arab pih han puleh-puleh bangai, siat-at jipeu ek ucong bak putek le si si Tromp arakate angkurak budok nyan.
Lheuh jimariet ateuh nan Amerika Serikat, Bahrain dan Israel, si Donald Trump ngon Perdana Menteri Israel Benjamin Netanyahu budok paleh nyan dan Raja Bahrain Hamad bin Isa Al Khalifa nyang ka keunong tipe, ka keuh jadeh meupakat. Uroe Jeumeu'at jak meupakat ngon awak kaphe. Paih ateuh bareh paih kiraju. Nyoe hai, icaih teuh.
"Nyoe nakeuh terobosan untuk perdamaian di wilayah Arab, Timur Tengah." nyan ban tuto lam kesepakatan nyan. Buleun ka leupah awak Uni Emirat Arab nyang ka ek jipeubangai le Seurae ngon Amerika.
Jipeugah le si Tromp, eunteuk bak tanggai 15/9 Bahrain ka gabong sajan Israe dan UEA keudeh u geudong puteh Washington jak teken. "Hana syok teuh, ek sebagah nyoe jadeh buet." kheun si Tromp. Pu hana syok, sit kah utak jih. E hai Tromp, lang paih sit tromp bak punggong beu meujungkat lam mon.
Apa baca bak Kontributor.top bunoe. Paih icaih teuh kiraju berita model nyoe.
0 Response to "Saban Lagee Uni Emirat Arab, Bahrain Ka Meurakan Keulayi Ngon Israel"
Post a Comment