Maken Le TKA China di Nagan, Warga: Bupati Ci Peujeulaih dan Beuteugaih
Nasaja Berita - Nagan Raya, Leupah jai lom trok awak Cina u Nagan kalinyoe. Lam padum uroe u likot ka troh jih lom. Ukuran nah, ka abeh susah ureung Nagan dum, meunyo lam bahsa Indoneh jikheun prihatin, bahsa Aceh aleh pu prihatin nyan pih hom.
Menurut warga, deungon trok keulayi awa TKA Cina nyan u Nagan, ka lagee kheun ureung tuha awai nah, "buya krueng teudong-dong buya tamong meuraseuki".
“Nyoe lagee ka meuhie leumah dali, kesan jih di awak tanyoe warga sinoe, bagian duek kalon awak nyan sagai. Di geutanyoe warga sinoe, hana kesempatan untuk jeut keurija. Prihatin teuh."kheun Huzaifah, warga hinan, bak uroe Aleuhad (13/09/20) baroe.
Maka dari nyan, le gobnyan geuharap that-that bak Pak Bupati, supaya beu teugaih untuk peruusahaan nyang na di Nagan supaya bek brie tamong awak TKA seulama na awak droe nyang jeut keurija bagian nyan.
“Bupati beu teugaih lah meubrie jatah keurija ke ureung droe. Bek sampe abeh pu nyang na jireupah le awak luwa. Ujong buet, di warga hana meuteumee buet." lanjot gobnyan
E meunyo nyang jeut keu masalah jih beu na skil nyang kiban-kiban, seubab awak nyan ahli, le Huzaifah geulake ci peujeulaih ilee. Ci brie bukti, pu beutoi atawa sit kon.
“Ci peleumah bak warga atawa bak media, mangat leumah ta kalon, pu nyang awak nyan kerija. Pu beutoi lam bideung ahli, han jeut beurangkahoe dan beurangkasoe." sambong Huzaifah lom.
Hai nyo hai, menyo memang kadag sit awak nyan nyang na jeut, kakeuh silahkan. Teuma meunyo sampe trok bak jeut keu super pih awak nyan, nyan ka kon buet. Abeh buet ji proteih le masyarakat eunteuk, seubab le masyarakat nyang mantong goh na buet lom.
Meunan Apa baca Seuramoeaceh.com judul Apa ubah mangat leubeh meurasa. Nyang hireuen Apa bacut teuk nah, pakon ureung lam kawasan nyan hana hawa nyang be jeut ke ahli ju lam perusahaan nyan. Hai lam artian, peusikula ju mangat ahli. Bek lambat, lagee keujadian di Aron awai. Ban ka hana le gaih, baro jibuka ikula migas. Lheuh tamat, gaih ka abeh, akhe buet suah jak keurija u Papua. Ek jeut keu raka'at teuman?
0 Response to "Maken Le TKA China di Nagan, Warga: Bupati Ci Peujeulaih dan Beuteugaih"
Post a Comment