Keutua Yanmas: Usut Beutuntaih Motif dan Aktor Keujadian Syeikh Ali Jaber

 

Nasaja Berita - Solo, Ban baroe padum uroe u likôt na keujadian ureung pungo jak phok kacamoto bak jalan di Lhokseumawe. Meulheung uroe ka keujadian di Lampung aneuk muda jak top Syeikh Ali Jaber teungöh ceuramah. Brat pungo kiraju. Alèh keubiet pungo, alèh ji peupungo-pungo droe.

Ateuh keujadian nyang keudua, Keutua Yanmas (Yayasan Masyarakat Aceh Surakarta), H. Adi Fauzi Melhan kalinyoe ikôt geumeusu sit. Meunyo keujadian nyang phôn sit ka nyo ureung pungo, hana suah ta tanggapi.

Adi Fa geukutôk keujadian jak poh ustad Syekh Ali Jaber di Lampung bak uroe Aleuhad (13/9) baroe. Meunurôt Adi Fa, nyan haruih jiusut beuabéh lé peulisi. Pu lom Syeikh nyan sidroe ulama, mubaligh.

Nyang keselamatan ulama dan da'i watèe teungöh seumeubeut ataea ceuramah nyan wajéb teulindông, dan beujilindông lé neugara, lam hai nyoe poemerintah.

Nyoe lagèe-lagèe leumah dugaan meunan nah, si awak tukang jak poh (top) ulama nyan, lagèe na soe nyang yu dan dibayeu. Meunyo keu motif hana ta teupu. Pu keuh jak adu domba ureung Islam atawa sit jak peukacho nanggroe Indonesia Merdeka.

"Jeulaih that, tanyoe haruih ta kutôk keujadian nyan. Biadab that. Kureung aja. Ulama teungöh ceuramah jitop. Nyan lé peulisi haruih jak usut, soe yu dan pu tujuan jih," icaih that Adi Fa.

Memang nah, le ka keujadian nyang rap-rap saban. Pu keuh sabé-sabé Islam atawa beda agama, karu dan na soe peukaru kegiatan dakwah lawét nyoe.

"Maka dari nyan keuh, ci peutrang kalinyoe. Bèk sampé na keujadian lom ukeu". Harap Adi Fa.

Lé keutua Yanmas nyoe geuharap bak ustaz-ustaz dan teungku ceuramah, soe beurangkasoe, pat beurangkapat supaya asoe ceuramah beujroeh dan peujroeh akhlak umat. Peugah beugöt-göt, seubab ngön hikmah keuh le leupie até umat nyoe, soe teupu jitém ta'at.

"Reulöh that ka moral umat, maka peurlèe ceuramah nyang pakat umat beuta'at, beugöt akai. Ta peugah deungön cara nyang göt dan sopan, beudamai. Seubab nyoe sit ka zameun fitnah. Rayek fitnah bak zameun nyoe." Nyan ban geutôp haba lé bang Adi Fa.


Langsông dari Solo kusuih geuhubungi Apa untuk peu ék bak Nasaja Berita. Kôp bèrèh kiraju.


0 Response to "Keutua Yanmas: Usut Beutuntaih Motif dan Aktor Keujadian Syeikh Ali Jaber"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel