Innalillah! Doto T Moead Zulkifli Meuninggai, Konfirmasi Positif Covid-19
Nasaja Berita - Banda Aceh, Sidroe doto nyang senior dan got that akai seulama masa udep, Dokter spesialis paru, T Moead Zulkifli ka meuninggai bak malam Lasa tanggai 29/9. Doto Mu'ad [biasa meunan kamoe meuhei] dan Apa biasa meuhei beliau deungon nan nyan, meuninggai bak umu 80 thon. Meunyo Moead Apa tuleh, takot han neutu'oh baca nah.
Alhamrhum meunginggai di Rumoh Saket Zainoe Abidin, dan ka jikonfirmasi le doto nyang tugaih di rumoh saket nyan, nyang bahwa beliau nyan positif covid-19.
Le Pak Nova seulaku nyang meuturi that ngon doto Mu'ad, ateuh nan pribadi dan poemerinta hAceh geusampaikan ucapan bela sungkawa.
"Seumoga almarhum Allah peuampon ube na desya dan husnl khatimah. Saban-saban geutanyoe meulakee bak Poe. Meunan sit keupada keluarga nyang neutinggai, beurayek saba.
Doto Mu'ad nyoe memang ka trep pension dan hana le dinaih di rumoh saket. Jameun na dinaih di Matang. Na geubuka praktek lom bak jalan Jangka.
Bahkan di rumoh saket Aron pih na tom tugaih jeut keu seupesialih paru.
Beliau nyan sit memang ka saket-saket, sesak pih na, lom pih na tom keunong seutrok. Pu lom teungoh pandemi meunoe, ban keunong covid, laju meutamah parah. Ka trok janji Allah.
Apa dan keluarga pih meulake bak ube na nyang baca berita nyoe, untuk saban-saban ta meudo'a bak Poe teuh Allah ta'ala supaya beliau nyang jroeh nyoe beuneubalah syuruga le Allah ta'ala.
Teuman le geutanyoe nyang mantong sehat nyoe, seubab masa pandemi lagee nyoe, beu na rasa waspada bacut keu peunyaket. bek sampe geutanyoe nyang sehat hana ta thee droe jeut keu ureung ba peunyaket corona bagi ureung syiek tanyoe nyang ka tuha, nyang ka leumoh dan nyang ka mulai saket-maket.
0 Response to "Innalillah! Doto T Moead Zulkifli Meuninggai, Konfirmasi Positif Covid-19"
Post a Comment