Inna Lillahi wa Inna ilaihi Raji'un! Keuchiek Leumiek Ka Geutinggai Geutanyoe
Nasaja Berita - Banda Aceh, Innaa lillaahi wa innaa ilaihi raaji'uun. Ka neuwoe bak Allah Haji Harun Geuchik Leumiek bak uroe Rabu (16/9/2020) seukitaran lheuh Leuho, poh 2 bunoe uroe.
Keuchiek Leumiek lam kalangan wartawan memang cukop terkenal. Seubab beliau nyan nakeuh sidroe wartawan senior.
Seulaen daripada nyan, Keuchiek Leumiek pih salah sidroe tokoh nyang jithee nan di Aceh. Pu lom deungon lagak that Seumijid nyang geubangun di Lamseupeung, Banda Aceh.
Lagak that ju seumijid nyang geubangun le beliau nyan deungon peng pribadi.
Bahkan jeut keu salah saboh ikon baro di Kota Banda Aceh. Seumijid nyan pih sabe rame. Seulaen rame ureung seumbahyang, ureung meunikah pih leupah rame di sinan. Seubab lagak that seumijid nyan.
Doa bak geutanyoe mandum, semoga Allah neupeuampon ube na desya Tgk Haji harun Keuchiek Leumiek.
Bunoe Apa lewat keunan, ka ramee that ureung nyang troh keunan untuk jak melayat. Mulai dari masyarakat biasa, aneuk muda, ureung tuha, hingga tokoh pih na trok. Teunte jih teutap na geupakek masker. Meuh'an takot jirazia bak teumpat nyan pih na pu teuh lom eunteuk.
Beujeut keu pahala nyang meuleumpah raya keu almarhum dan keluarga. Amin.
0 Response to "Inna Lillahi wa Inna ilaihi Raji'un! Keuchiek Leumiek Ka Geutinggai Geutanyoe"
Post a Comment