Donald Trump Karap Wabah Kireuh, Trok Kireman Racon Lam Amplop Surat

 

Nasaja Berita - Washington, That na teuh kiraju. Presiden Amerika Serikat, Donald Trump, baroe meureumpok kireman amplop nyang ka jiple seureubok racon risin. Alah pih awai jipeuaman le pasukan Geudong Puteh. Meuhan ka jadeh wabah kireuh si Tromp.

Na neuteupu risin nyan kiban? Nyan risin nyan dari aneuk lawah. Hai bak lawah ata geuglong bak kubu biasa. Nyan jitop, lheuh nyan jiolah bacut, ka jeut keu racon risin nan jih.

Meunurot nyang ka jipeuek berita bak Associated Press, uroe Aleuhad (20/9/2020) baroe, surat nyan jituju u Geudong Puteh, teuma awai jipeuaman le otoritaih Amerika Serikat. Meunurot nyang kalheuh jipareksa ilee silapeh, ka sep bukti, asoe amplop nyan racon risin, kheun salah sidroe peujabat nanggroe nyan.

Teuma di peujabat nyan hana wewenang untuk jak calitra peukara nyan. Kakeuh suah som nan jih siat nyoe. Anonim meunyo kheun istilah awak nyoe.

Jinoe ka ijak seulidek le awak FBI soe nyang kirem nyan keu si Tromp.

Memang hana ancaman keu publik teukaet ngon amplop nyan. Ancaman keu Si Tromp supak nyan sagai. Teuman awai bak thon 2018 jameun, na sidroe veteran Angkatan Laot AS nyang jimeungaku na jikirem amplop deungon asoe risin keu si Tromp dan anggota poemerintahan jih.

Nan sagam nyan William Clyde Allen III,, jikirem aneuk lawah keu Presiden. Direktur FBI Christopher Wray, ngon Menteri Pertahanan Jim Mattis, Direktur CIA watee nyan Gina Haspel, Laksamana John Richardson, nyang watee nyan sidroe perwira tinggi Angakatan Laut dan lheuh nyan Sekretaris Angkatan Udara, Heather Wilson. 

Keu awak nyan tujuan jikirem. Teuma, surat nyan ka awai jisadap. Makajih hana nyang jeut keu korban meusikhan pih.

Sedangkan bak thon 2014, na sit urueng Mississippi nyang keunong hukoman 25 thon penjara, lheuh jikirem surat nyang kakheuh jiplee risin keu Presiden Barack Obama dan peujabat laen.

Nasaja kiraju. Adak meudeh kon beujadeh tamat riwayat ju si Tromp budok nyan.

Share this post