Buronan Narkoba dari Aceh Timu Jibeureukah Le Peulisi, 13 Paket Sabu keu Bukti
Nasaja Berita - Lhoksukon, Alahai Ib (39) meutwah, buet nyang h'an jeut keubuet dum ta pubuet. Keupu tajak meukat narkoba ilee. Rusak bansa teuh ubee na. Nyan takalon, ka jibereukah teuh le personel Satuan Reserse Narkoba Polres Aceh Utara di wilayah kabupaten Aceh Timu. Teupatnya jih di Gampong Putoh Sa, Kecamatan Pante Bidari.
Kapolres Aceh Utara AKBP Tri Hadiyanto melalui Kasatres Narkoba AKP M Daud geupeutrang bahwasajih Ib geudrop dari hase lheuh geukembangkan kasuih nyang seugolomjih kalheuh geutangani.
Teuman Apa hana meuteupu sit pu kasih seugolom jih, seubab hana that meuikoti berita awai. Neumaklmu mantong, Nasaja Bertia baroesa ka pansan dan tamong ICU. Positif corona. Kon Apa nyang positif beh, tapi web Nasaja Berita. Makajih suah isolasi. That na teuh kiraju.
Ib jibeureukah le peulisi baroe uroe Lasa tanggai 15/9/2020. Na barang bukti Narkoba nyakni 13 boh paket sabu dan saboh bungkoih on ganja tho 5,59 gram ata tersangka. Nyan mandum jeut ke barang bukti dan ka jipeuaman le peulisi.
“Tersangka Ib nyan DPO, lheuh ta beureukah Zikrullah bak 15 Januari 2020 baroesa jeh lalu di Gampong Alue Ie Mirah Kecamatan Tanah Jambo Aye, Aceh Utara,” kheun AKP M Daud, Rabu (16/9/2020).
Lam watee jipareksa nyan si Ib ji akui nyang bahwa jih na tom jipubloe sabu keu si Zikrullah.
"Jinoe tersangka ngon barang bukti ka ta peuaman bak Polres Aceh Utara. Dan akan a peubereh mandum lam proseih hukom.“ nyan ban geutop calitra le Pak M Daud.
0 Response to "Buronan Narkoba dari Aceh Timu Jibeureukah Le Peulisi, 13 Paket Sabu keu Bukti"
Post a Comment