Biseunieh Baro! Kupi Ek Gajah, Leubeh Meuhai dari Kupi Ek Musang
Nasaja Berita - Jakarta, Ka pangeh teuh, rupajih na nyang lebeh kha lom daripada kpi ek musang. Meunurot jipeugah le awak nyoe, kupi ek gajah nyang paleng meuhai, dan jareung na di pasai.
Macam dum di ureung pih, han ek geuh kupi ata icok bak. Beu ata nyang kalheuh jimamoh le binatang sit dan beu jeut keu ek sit baro meu yum. Nasaja kiraju peukateun.
Baroesa jeh, kupi ek musang nyang paleng got, jipeugah. Yum poih meuhai. Jinoe ka kupi ek gajah. Alamat suah peularha gajah dum ureung pula bak kupi.
Sampe-sampe Akhay Kumar, sang awak meu'en pelom India, lam acara “Into the Wild with Bear Grvlls” episode khusuih na ji calitra, kiban rasa watee ji jep ie teh dari ek gajah. Tapi lam acara nyan hana jipeugah kiban cara olah. Nyang na jipeugah nyan ek gajah nyan keuh jeut keu merek kupi atawa teh hibrida nyang langka dan meuhai that.
Meunurot haba bak Indian Express, Sabtu (12/9), ide peugot dminman dari ek gajah nyan phon jimulai le awak Thailand. Ek gajah nyan nakeuh eunciet ata jipajoh ceri Arabika Thailand nyang ka jijampu ngon eumpeun gajah nyang biasa ji brie.
Menurut africageographic, pu nyang jipajoh le gajah, ek jih jeut keu pupok nyang jeut keu seubab rasa mameh bak boh kayee. Makajih na kupi rasa cokelat dan ceri. That geu let ku dih.
Seubab aneuk kupi nyan han abeh jipeuceh lam pruet gajah, jadi ban jitoh ek, jipeusapat ek, jipeupisah teh aneuk kupi atawa ceri yan. Jirhah, jiadee, jiolah, jigonseng baro jitagun keu kupi.
Nan keren jih Black Ivory Coffee. Nyan phon jiproduksi Golden Triangle Asian Elephant Foundation di Chiang Saen, bak teupat jaga gajah supaya bek jipoh le manosia lam uteun tuhan.
Yum Black Ivory Coffee paleng meuhai jinoe siat. Seubab dari 33 kg aneuk kupi nyang jisortir dari ek gajah, kadang tok 1 kg nyang jeut keu hase. Nyan tok bak hotel hayeu sagai na jipubloe jinoe.
Hai ukuran yum saboh paket Black Ivory Coffee, asoe jih 35 gram sagai, nyan 100 dolar Amerika. Hana c'iep bak 1,4 juta rupiah. Cocok keu biseunieh baro sang. Nyan awak jaga gajah di Saree kajeut bie aneuk kupi Gayo keu gajah.
Nyan bak Antaranews na jipeu ek berita nyan.
0 Response to "Biseunieh Baro! Kupi Ek Gajah, Leubeh Meuhai dari Kupi Ek Musang"
Post a Comment