Pu Paleh! Jitém Rah'èt Taku Ureung Inong di Jeunieb
Nasaja Berita - Bireuen, Alah Poe teuh, that gura keujadian di Jeunieb, gampong Ulee Rabo, Bireuen bak uroe Lasa tanggai 4 baroe. Bah pih mantong lam suasana uroe raya, Ajirna (45 thon) jiteumee kr'et taku le UTM (Ureueng Tan Meusoe) OTK meunyo kheun awak nyoe lam basa indoneh. Ngon silet cutter ji rah'et neukiraju.
Meunurot nyang kalheuh jikonfirmasi bak Kapolsek Jenieb AKP Suharto, ka nyo berita nyan. Ka beutoi, hana dawa. Kon hoax apalagi ahok.
Memang gampong Ulee Rabo nyan agak brat u dalam bacut di Jeunieb. Kon toe bineh jalan. Nyang keuh disideh keujadian. Di rumoh droe geuh. Hana ureueng laen. Sidroe tinggai cupoe Ajirna.
Meunan trok info bak peulisi dari masyarakat, laju jibalap pasukan u lokasi untuk jiolah TKP. Seudangkan korban ka awai geubaplueng u rumoh saket, puskesmas Jeunieb le warga laen. Hai kiban han roh, taku ka ji rah'et, ta preh trok peulisi, jiteume abeh darah hinan. Kakeuh geubaplueng ju ilee.
"Lheuh nyan, bak beungoh nyan ju korban haruih ba u rumoh saket dr. Fauziah Bireuen, seubab haruih na nyang jioperasi. Han keumah jipeulaku di puskesmas" kheun pak Peulisi nyan.
Jinoe le peulisi teungoh jimita pelaku, kalheuh jiolah TKP ini itu pulan-pulen. Keu motif hana meupu sit lom. Pu keuh jirampok atawa kiban. Nyang inti jih peulisi ka jikeurija. Seubab silet cutter nyan pih na bak lokasi. Hana trep ka jiteumeung sang pelaku nyan.
Neutu'oh kon silet cutter nyan, nyang ata bak awak keude potocopy biasa kon na. Nyang keuh nyan.
Apa baca bak KabarBireuen na, bak laen pih na. Teuma baroe meujak rapat petinggi grup Komunitaih Rakyat Anti Singet Teurajee siat, makajih han meuteume tuleh ju.
0 Response to "Pu Paleh! Jitém Rah'èt Taku Ureung Inong di Jeunieb"
Post a Comment