Perawat Positif Corona, Puskesmas Ulee Kareng Ka Payah Top
Nasaja Berita - Banda Aceh, That na teuh kiraju. Ka mulai positif corona di rureueng lom ka ata sagoe. Kalinyoe trok bak perawat di Puskesmas Kecamatan Ulee Kareng Kota Banda Aceh ka positif. Akhe buet cok keuputusan, puskesmas suah top sementara nyoe. Beh meunyo ciret, hoe tajak meu ubat. Na can suah ta blender pucok on geulima muda sang.
Meunurot Juru Bicara Covid-19 Pemko Banda Aceh, Irwan, keputusan top siat puskesmas nyan untuk peuputoh mata rantai penyebaran covid-19. Seubab ka na sidroe nyang positif.
"Nyo beutoi. Sidroe perawat ka positif. Jadi puskesmas ka suah ta top siat. Mangat bek keunong awak laen dan pasien-pasien laen." Kheun Pak nyan.
Memang sit nah, corona nyan bahaya bagi ureueng nyang ka saket maket. Meunyo han jitop puskesmas takot keunong corona ureueng nyang teungoh ciret. Di ka ciret, meutamah corona lom. Can meuninggai geuh. Meu dawa teuk ureueng gampong jak kheun saket ciret, jipeugah corona. Padahao ureueng nyang ka ciret, meutamah keunong corona, leubeh brat bahaya. Seubab ureueng ciret biasa ka abeh cairan lam tuboh, imun ka leumoh.
Nyan hase diskusi Apa ngon adoe Da Mulah nyang sikula bak Akper. Jadi ban jijeulaskan meunan, kakeuh ta anggok. Hai tanyoe tan sikula, suah deungo haba ureueng jak sikula.
Jinoe, geupeugah le Pak Irwan, kalheuh geulacak soe-soe mantong nyang na kontak langsong deungon perawat nyang positif nyan. Lheuh nyan pih, ube na peugawe nyang na bak puskesmas nyan pih ka lheuh tes swab. Tinggai preh jiteubiet hasil teuk.
"Mandum kalheuh ta traking, dan kaleuh ta tes uji swab. Tinggai ta preh hasil teuk. Pu keuh positif atawa negatif." Kheun gobnyan
"Meunyoe negatif mandum, maka puskesmas ta buka lom. Tapi meunyo na nyang positif lom lam kawan nyan, ta kalon ilee eunteuk kiban. Nyang ka pasti payah isolasi atawa karatina. Lom pih kalheuh ta somprot disinfektan di puskesmas. Nyan ban kheuh Kabag Humas Pemko Banda Aceh.
Apa baca bak AJNN nyang jituleh le Rahmat Fajri seulaku Jurnalieh nyang ka trep melanglang buana hinan.
0 Response to "Perawat Positif Corona, Puskesmas Ulee Kareng Ka Payah Top"
Post a Comment