Abeh Uroe Raya, Lhee Droe Napi di Lambaro Gadoh Tan Meuhoe
Nasaja Berita - Banda Aceh, Lhee droe narapidana ka jibalap dari peunjara di Lambaro, bak malam Lasa teungoh malam, (4/8) baroesa. That na teuh, ban jiteupu ka abeh uroe raya, han jipeupreh le.
Meunurot geupeugah le Pak Kapolresta Banda Aceh Kombes Pol Trisno Riyanto nyan man lhee droe awak nyang plueng nyan nakeuh awak kasuih narkoba.
Si Kasimin ngon si Saiful Bahri keunong hukoman 18 thon penjara. Seudangkan sidroe teuk 6 thon penjara hukoman, si Heri Fauzi nan jih.
Lapan blah thon hukoman peunjara, ban ta teubiet, ka meulaen ju donya. That kanjai kiraju.
"Awak nyan narapidana nyang jinoe teungoh teurimong hukoman penjara lam kasuih narkoba bak ruang isolasi," kheun Pak Trisno.
Ka lagee lam phelem kiraju, dari ruang isolasi jiteumee plueng dari penjara. Nyan aleh isolasi wap batat, aleh isolasi wap corona. Seubab jinoe rata sagoe isolasi, bak-bak awak peugot liseutrep ka isolasi. That na teuh
Lheuh nyan geupeugah lom nyang bahwa, cara awak nyan teubiet dari penjara deungon cara jireuloh jeureujak keu pinto penjara awak nyan nyan. Lheuh nyan jigrop jilingkeu tembok, ji ikat ija nyang kalheuh jisambong-sambong. Peureuseh lagee lam phelem sang bak ta bayang keujadian hinan.
"Sang bak ta eu dali, ka trep ka jirencana untuk jiplueng dari penjara," kheun Pak Trisno lom.
Le peutugaih baro jiteupu keujadian nyan ban jijak pareksa lam sel sidroe-droe. Jatah na peut idalam nyan. "Ban jikalon lhee droe ka jiba le hantu, tinggai sidroe teuk nyang kuat iman," nyan ban neukiraju.
Geuhimbau le pak Kapolres supaya awak nyan beujitem gisa keulayi bak lapas. Jinoe peutugaih ka jimita awak nyan. Dan bak masyarakat, meunyo na soe kalon, supaya geupeugah bak peutugaih lapas atawa bak peulisi.
Nyan ban Apa baca berita bak AJNN ata jituleh le Tommy seulaku jurnalieh bak portal berita nyan.
0 Response to "Abeh Uroe Raya, Lhee Droe Napi di Lambaro Gadoh Tan Meuhoe"
Post a Comment