Di Aceh, Adak Lam Corona Meuribee Ureueng Meunikah
Nasaja Berita - Banda Aceh, Nyan hai, di awak Aceh, han meutheun meunyo keue bhaih kawen. Adak corona that jeut. Hai nyo keubiet. Ukuran nah, lam masa brat meu-corona donya, na leubeh kureung 2.303 droe calon penganten baro nyang jimeunikah dari buleun peut baroe sampe akhe buleun limong 2020.
Nyan info nyang geupeugah le Keupala Bidang Urusan Agama Islam dan Pembinaan Syariat di kanto Kanwil Kemenag Aceh. Pak Drs. Hamdan MA.
Meunurot Pak Hamdan nyan, adak teungoh masa darurat covid-19 seureuta na pembatasan hanjeut meunikah di lua KUA, na 3096 droe awak daftar nikah bak KUA.
Bak buleun peut atawa buleun April baroe, na 2164 pendaftaran nikah di Aceh, dan nyan mandum akad nikah jih bak buleun peut nyan. Lheuh nyan bak buleun Mei hana kureung dari 900 pasangan nyang jak daftar untuk meunikah. Dan cuma 139 calon pengantin sagai nyang najadeh akad lam buleun limong baroe. Memang nah, hana meudalh saai, pukeuh buleun puasa atawa uroe raya, asai ka jadeh teutap jodoh neukiraju. Keu yum meuh nyang karap lhee juta si manyam, nyan laen peukara. Hana ta bahai hinoe.
Adak KUA pih teutap teuhah lam masa covid nyoe. Cuma na atoran tambahan sagai. Miseu jih lam majeulieh nikah hanjeut rame that ureueng lam ruangan nyan. Siploh droe, nyan pih wajeb pakek masker, top idong, top babah ngon ija. Bek ngon plastik, hanjeut neupeulheuh naphai, meuninggai neuh.
Adak lam seumijid mantong geubrie sit peuduek majeulih akad nikah. Teuman na protokol kesehatan. Hai lagee contoh, duek bek toe that, pakek masker, ureueng hanjeut leubeh bak lhee ploh droe lam majeulih nyan. Nyan kebijakan nyan ata ka jipeuteubiet le poemerintah Surat Edaran nomor 15 Tahun 2020 Tentang Panduan Penyelenggaraan Kegiatan Keagamaan di Rumah Ibadah dalam Mewujudkan Masyarakat Produktif dan Aman Covid di Masa Pandemi. Teuman nyan untuk ukeu nyoe. Ka lam masa New Normal jikheun le awak Jakarta pu, meunan keuh pokok jih. Untuk urusan leubeh jeulaih teukaet kiban pelaksanaan jih, nyan geupeugah le Pak Hamdan, suah preh jiteubiet surat laen lom dari Ditjen Bimas Islam Kemenag RI. Nyan ban leubeh kureueng haba dari Pak Hamnda nyan seulaku peujabat bak Kanwil Kemenag Aceh.
Apa baca bak Acehimage.com ata jituleh le Ikhsan nyang rupajih ceudah seureuta tampan. Jeut cok keue meulinte sang aneuk muda nyan.
0 Response to " Di Aceh, Adak Lam Corona Meuribee Ureueng Meunikah"
Post a Comment