196 Droe Brimob BKO u Papua, Kapolda Aceh: Beutroh Jak, Beutroh Woe Deungon Seulamat
Nasaja Berita - Banda Aceh, Memang meunyo tugaih negara hana pat bantah kiraju. Adak di Aceh tugaih phon, bisa jadi keudeh Papua jitiek jipeutugaih peulisi atawa tentra. Baroe nibak uroe Jeumeu'at tanggai 19 Juni, le Pak Kapolda Aceh Irjen Pol. Wahyu Widada, geupeulheuh seucara resmi 196 droe pasukan Brimob Polda Aceh untuk jak u Papua lam rangka bantu operasi Amole 2020
Geupeugah le Pak Kapolda, tugai Brimob lam Operasi Amole-2020 noe na keuh untuk peu aman PT. Freeport di Papua.
“Tugaih nyoe ka gepeujok bak peulisi, dan bek sampe jeut keu bahan evaluasi gara-gara geutanyoe hana mampu ta peuaman PT. Freeport nyan." kheuh Pak Wahyu.
Tugaih personel BKO sideh untuk brie rasa aman dan beu ek jamin keamanan PT dan seukitaran nyan. Nyan bee na keperluan, pu keuh ubat, vitamin ata pu laen nyang peurle sideh, nyan mandum harus ta bekali.
Kemampuan Brimob untuk peuaman lingkungan sideh nyan leubeh utama beu na sajan pasukan. "Makajih peurlee ta tingkatkan kemampuan dan peurlee peusiap droe beupaih." sambong pak Kapolda.
Tugaih di Papua nyan hana mudah, le that tantangan sideh. Pu lom cuaca lam glee, medan tugaih, karakter ureueng sideh dan daerah sideh, jioh that beda ngon di Aceh.
"Meunyo wilayah ka aman, investor dari lua akan trok keunan, dan ka teunte jiinvestasi awak nyan. Ekonomi akan leubeh got ukeu lom." kheun Pak Wahyu.
Pak Wahyu geuharap, 196 personel Satbrimob nyang akan berangkat BKO u Papua nyoe eu trok keudeh deungon seulamat, dan woe keunoe u Polda Aceh pih lam keuadaan seulamat lheuh tugaih sideh. “Nyoe beurangkat, lagee nyoe kondisi. Watee woe eunteuk dan trok keunoe u nangroe pih beu lagee nyoe.”, kheu Kapolda. Meunyo kheun ureueng tanyoe biasa jih "nyan beutroh jak, betroh woe". Meunan Apa baca bak Kanal Aceh nyang jituleh le Randi.
0 Response to "196 Droe Brimob BKO u Papua, Kapolda Aceh: Beutroh Jak, Beutroh Woe Deungon Seulamat"
Post a Comment