Poemerintah Lambat That, Anggota DPRA: Abeh Watee Bak Duek Rapat
Nasaja Berita - Banda Aceh, Meunyo ta kalon lam masyarakat tingkat kesigapan poemerintah untuk geutangani corona effect atawa efek dari wabah corona terhadap masyarakat nyoe, jeut takheun leumoh that atawa lambat that mantong.
Jadi lheuh ta kalon mulai dari na kejbijakan Jam Malaam bagi masyarakat dan na larangan untuk masyarakat beraktivitaih di lua rumoh, seureuta bek jak lam kawan ramee ureueng, hana lom na sampe inoehat uroe rencana konkrit dari awak eksekutif. Nyan padangan dari Sulaiman, SE seulaku anggota DPRA dari Parta Aceh, nyang geupeusampoe bak awak media watee geutanggapi kiban ie ka situasi masyarakat seulama corona nyoe.
"Jinoe ta kalon awak nyoe laen, pu keuh dari kalangan pengsaha miseujih, ka jigrak buet sare. Lagee Makmur Budiman ketua Kadin, adak awak laen ka sit dum jibantu masyarakat. LSM pih ka jipeugo aksi macam-macam dum untuk solidaritas sosial keue masyarakat nyang na keunong dampak dari wabah nyan." Nyan ban kheun Sulaiman.
"Dan lon sendiri brat that lon apresiasi ureueng nyan, seubab bagah that geujak buet bak bantu masyarakat." lanjot gobnyan lom bak uroe Hameh tanggai 2 April bunoe.
Maka dari nyan keuh le Pak Sulaiman, waki geutanyoe nyoe bak DPRA nyoe, geudesak poemerinah lam hai nyoe Pak Plt Gubernur Aceh Nova Iriansyah untuk jok perintah keue SKPA dan pembantu tugaih gobnyan mandum supaya bek peutrep-trep jak intat bantuan keue masyarakat nyan ka ta yue duek di rumoh dari buleun lhee baroesa ka.
Nyoe hai, bak Apa kira meunan sit. Lheuh ji yue duek dum ureueng lam rumoh meugeutheun deuk teuk dum. Bek peusaban ngon rumoh geutanyoe. Adak Apa pih, ka hana raseuki Apa buleun nye, na raseuki Da Mulah. Nyang dapu meuasap pokok jih. Nyoe gob laen dum, syedara-syedara tanyoe.
"Kepada Plt Gubernur Aceh, bek that neusantai, neu evaluasi kinerja aneuk buah dum. Nyang kira-kira hana jeut sapu, ganto ju beubagah. Tujuan jih supaya masyarakat nyoe beu bagah jirasakan na kehadiran poemeritah Aceh." Nyan ban kheun Pak Sulaiman geutanyoe.
"Nyan nah tim nyang ka meubentuk nyan, bek abeh watee duek rapat sabe, jeh di rakyat ka deuk bak jipreh. Nyan meunyo neupeutrep lom, bek ta peusalah masyarakat eunteuk watee tan jideungo le poemerintah." nyan ban bak geutop haba,
Apa meubaca bak Theglobal.id bunoe sira meuduek-duek. Rupajih hinan na beerita lam basa inggreh lom. Padahai nyan ata awak Aceh. Bereh memang. Ka meu internasional meunan, lagee nan ju.
0 Response to "Poemerintah Lambat That, Anggota DPRA: Abeh Watee Bak Duek Rapat"
Post a Comment