Meutuwah! Buk Darwati Seudeukah 2 Ton Breuh keue Ureueng Gasien
Nasaja Berita - Banda Aceh, Meutuwah that ibuk Gubernur geutanyoe awai. Kak Dar atawa ibu Darwati nyang jinoe seubagoe salah sidroe Anggota DPR Aceh daripada Partai Nasional Aceh (PNA). Kak Dar atawa Darwati A Gani geubagi bantuan keue masyarakat nyang susah seureuta mukarat seulama masa wabah corona nyoe.
Hana kureung, 2 ton breuh kalinyoe geubagi keue masyarakat nyang seumateh. Nyang teungoh karantinaa droe lam padum-padum boh gampong nyang na di wilayah Kota Banda Aceh dan Aceh Rayek.
"Bantuan breuh nyoe tasalurkan khusuih keue masyarakat miskin. Keue ureung gasien nyang keunong dampak seucara ekonomi dari wabah COVID-19 nyoe. Lam kondisi teungoh meut'eng-pan'eng meunoe, beurangkapu jeut ta bantu. Adak bacut, suah a cok peran untuk ta bantu masyarakat nyang gasien. Mangat bek meutamah kacho dampak sosial unteuk lam masyarakat."kheun Kak Dar.
Le ibuk Darwati geupeugah nyang bahwa untuk geubaagi breuh nyoe teunte jih na keurijasama ngon ureueng peurangkat gampong disinan. Seubab nyang turie dan nyang teupu data ureueng gasien lam gampong nyan keuh ureueng nyan. Tujuan jih beupaih sasaran. Beu timang. Bek roh meuseudeukah keue ureueng kaya.
“Long, long harap bantuan nyoe beujeut keue meubantu masyaraka Aceh. Khususih jih untuk beu meuasap dapu. Hai paleng h'an bak masa lagee nyoe. Ureueng nyoe hanjeut that geuteubiet uuntuk mita raseuki alakadar lagee baroekon. Lom pih ureueng nyoe hana geuteubiet keue peuseulamat droe sit, bek keunong corona."
"Keu masyarakat mandum, long lakee dan long harap supaya neujaga kesehatan. Neuikuti kiban anjuran dari nyang ka geuteutapkan nyang ka sesuai ngon standar kesehatan, Seubab pu nyang ka geutetapkan nyan, untuk geutanyoe sit, mangat seulamat teuh." meunan geutamah lom le Kak Dar, purumoh Bang Wandi nyoe.
Meunan sit le kak Darwati geulakee bak relawan gobnyan nyang na di gampong, untuk bantu masyarakat lam masa tanggap darurat wabah corona nyoe.
Meunan Laporan Hendri nyang Apa baca bak web awak nyoe dum. Memang Kak Dar ka dari jameun nyang Apa turie hana sok ureueng dan padoli. Ka dari masa tinggai di Cot Rabo awai ka Apa turi. Teuma di Kak Dar panee geuturie lom Apa, ka meulaen hi jinoe.
0 Response to "Meutuwah! Buk Darwati Seudeukah 2 Ton Breuh keue Ureueng Gasien"
Post a Comment