Ureueng Inong Aceh: That Palak Teuh! Teungoh Corona, Lakoe Teuh Gadoh bak Keude Kupi
Nasaja Berita - Banda Aceh | Ureueng inong di Aceh kalinyoe ka mulai meupep-pep, icaih bak geukalon lako gadoh bak keude kupi uroe malam. Padahai nyoe teungoh gabuk corona. Di poemerintah Aceh padahai kalheuh geupeuteubiet seruan untuk bek that meurawoh bak taloe jalan. Beuseureng duek di rumoh. Bek seureng lam kawan ramee. Tujuan jih untuk bek teupeh corona.
Le Cupoe Nurmala, warga di Krueng Cut, Aceh Rayek, leupah icaih geuh bak geu kalon ureueng agam.
"Hireun teuh nah ta kalon ureueng lakoe dum. Leupah santai bak geusikapi isu corona nyoe. geujak beungoh, geu woe malam. Laloe duek bak keudee kupi, proh ok lam kawan ramee," kheun cupoe Nurmala.
“Meunyo ureueng lakoe h'an ek geujaga droem nyang rugoe kamoe sit. Bah pih meuduek i rumoh, ureueng lakoe nyang puwoe peunyaket." Sambong Cupoe Mala.
Adak cupoe Syarifah, warga gampong Neuheun, Kecamatan Masjid Raya. meunan sit geupeugah.
“Di ureueng lakoe nah that galak bak keudee kupi. Geutem meuabeh geu duek hinan uroe malam. Nyan geupeugah lom bak tanyoe teutap duek i rumoh, jaga aneuk miet. Supaya bek keunong corona. Nyan droegeuh gadoh geuteubiet. That na teuh neukiraju hai." Kheun cupoe Syarifah lam keuadaan icaih geuh.
“Nyan neutuleh siat, mangat geuthee droe di bapak-bapak para lakoe dum. Nyoe kondisi jinoe kon meuayang-ayang nah. Mangat sadar geuh bacut." sambong gobnyan bacut teuk.
Apa meunan Apa baca bak Atjehwatch bunoe. Dok meukhem kiraju. Alah Da Mulah h'ana meupep-pep meunan, meunan ka abeh teuh. Seubab Apa saboh lumboi ngon calitra para lakoe lam berita nyan. Nasaja kiraju.
0 Response to "Ureueng Inong Aceh: That Palak Teuh! Teungoh Corona, Lakoe Teuh Gadoh bak Keude Kupi"
Post a Comment