Siat-at! di Aceh Utara, Kalinyoe 12 Kilo Jibeureukah Sabu-sabu
Nasaja Berita - Lhokeseumawe, Nyan hai, alhamdulillah that, awak tim gabungan kalinyoe ek jipeugagal awak seulundup narkoba jeuneh sabu-sabu lom di Aceh Utara bak uroe Lasa tanggai 24 buleun Maret baroe.
That parah kiraju. Keujadian di Seunuddon, Aceh Utara. Tim gabungan kali nyoe, nan jih tim Bersinar. Keubiet bersinar lam supot. Meunyo lam peungeuh sit brat lom bersinar neukiraju. Lam tim gabungan nyan na dari Bea Cukai Kanwil Aceh, Bea Cukai Lhokseumawe dan BNN.
Geupeugah le Kepala Bidang Fasilitas Kepabeanan dan Cukai Kanwil Bea Cukai Aceh, Isnu Irwantoro, awak nyan ta beureukah seubab na info warga. Geupeugah le para warga akan na penyelundupan dan pengiriman sabu-sabu di wilayah laot Aceh Utara.
“Lheuh nyan tim jigrak buet ju. Tim meubagi dua. Saboh u laot, saboh di darat. Tim laot, sit ka jipatroli dari tanggai 22 baroesa." Meunan calitra pak nyan lam pers rilis nyang jiteurimong AJNN. Nasaja Berita hana meuteurimong rilih sapu neukiraju nah.
Kapai pih dua boh meupakek. BC 30004 saboh, kapal kapai Pangkalan Sarana Operasi (PSO) Bea Cukai Tanjung Balai Karimun dan BC 15021, kapal ata Bea Cukai Kanwil Aceh.
Mandua kapai nyan jipatroli di seukitaran lokasi nyang ka meuduga-duga akan jilewat le target operasi. Rupajih awak nyan ka awai ji lewat hoe ret laen. That na teuh kiraju. ka awai jisaoh kapai bak pelabuhan. Boh pane na teuma, kon laju jigrak awak darat. Bak bineh pante jipatroli.
"Teuman saket jih, lagee haba nyan sit. Teulat roh siangen. Kapai tan meureumpok. Seubab ka awai jibongkar muat. Lheuh nyan le tim, suah mita info lom. Akhe buet tim jeut meubeureukah barang bukti bak rumoh peulaku di Seunuddon, Aceh Utara, baroe."
Meunan info dari dek Sarina bak AJNN bunoe Apa baca.
0 Response to "Siat-at! di Aceh Utara, Kalinyoe 12 Kilo Jibeureukah Sabu-sabu "
Post a Comment