Pu Paleh! Jiteume Peutamong Sabu 2 Kilo u Lhokseumawe, Lam Gabuk Corona
Nasaja Berita - Lhokseumawe, That paloe kupeugah di Aceh nyoe. Teungoh ureueng laen gabuk Corona, jiteume meubuet meukat sabu-sabu kiraju. Hana tanggong-tanggong, jaringan internasional barang.
Hana c'iep sagai, 2 kilo sabu-sabu. Hana kureung bak 600 juta rupiah. Jaringan Aceh-Malaya.
Meunurot Pak Wakapolres, Kompol Ahzan, lam konferensi pers nyang geupeungon le Iptu Ferdian Chandra seulaku Kasat Narkoba geupeugah, kasuih nyoe ka mulai tanggai 10 baroesa ka meureumpok info akan na trransaksi 2 kilo sabu-sabu di daerah Ujong Blang, Lhokseumawe.
"Meunan na info nyan le tim, langsong ji jak pareksa dua droe tersangka, nyakni SY ngon F. Lam moto watee meu ba awak nyan u kanto, meu introgasi ju. Nyang keuh hinan na nyang telfon. Jitanyong, pu keuh kalheuh jitransfer 600 juta. Laju meuyu jaweub kalheuh ju mangat bagah." Calitra Pak Wakapolres.
Nam droe tersangka jibeureukah le peulisi kalinyoe. SY alias TY, F alias AL, FR, MJ alias FP, MN alias X dan AI. Nyang bek tanyong soe nan aseuli. Hana geupeugah le pak Wakapolres.
Rupajih memang bandar jih nyan sideh di Malaya. Le bandar nyoe na meuhubongan ngon salah sidroe pengendali nyang jinoe teungoh di peunjara, sideh di Palembang. Jadi tersangka nyan nyang kalheuh meukirem peng 200 juta. Dan barang nyang ka jikirem baro sikilo. Seudangkan meunurot pakat phon 600 juta yum dua kilo." Kheun Pak peulisi nyan.
Jadi lam jibeureukah nyan, na barang bukti, sabu-sabu saboh beureukah, na hape meupadum boh, ceng, dan saboh honda vespa.
"Nyan awak nyan, ban nam jih keunong ancaman hukuman mati." Kheun Pak Ahzan. Nyan nyang paih sit ta suntik Corona ju, mangat sigo teugageung jih. That jipeureuloh bansa le peunyaket budok sabu-sabu nyan. Meunyo kon lam badan jih ta sak peunyaket. Nasaja kiraju. Lam gabuk corona, jiteume keurija.
0 Response to "Pu Paleh! Jiteume Peutamong Sabu 2 Kilo u Lhokseumawe, Lam Gabuk Corona"
Post a Comment