Meukarat Bayeu Utang, Suah Jak Cue Peng Kotak Amal Aneuk Yatim
Nasaja Berita - Lhokseumawe, Alahai ma beh teuh di bang JU (umu 38), warga asai gampong Alue Bing, Kecamatan Paya Bakong, Kabupaten Aceh Utara beh. Nyan neu kalon ka payah eh lam peunjara. Keupu neujak cu eng lam kotak sumbangan di rumoh saket.
Kotak amal nyan na keuh kotak amal untuk aneuk yatim Gampong Keude Aceh Lhokseumawe nyang jipeuduek di rumoh saket Bunga Melati, Lhokseumawe. Jinoe bang Ju ka suah eh lam tahanan polsek Banda Sakti. Buet nyang kon-kon buet neupeubuet.
Geupeugah le Pak Waka Polsek, Ipda Faisal bak tanggai 17 Maret 2020 baroe, tersangka JU tamong rumoh saket, bak jikalon na satpam nyang jaga di keu pinto blah uneun, kakeuh di gobnyan geujak tes tamong ju.
"Trok u dalam rumoh saket, tersangka ji ek u lantai dua. Pah taht watee jitren hana deuh satpam bak pos, seudangkan kotak amal ji duek blah wie rumoh saket nyan. kakeuh, jicok ju." Calitra Pak Waka watee konferensi pers uroe Jeumeu'at tanggai 20 bunoe uroe.
Rupajih kotak amal nyan geubaplueng lam wc, sideh geuphok, meugeukuet teuk ubee na peng lam kotak nyan. Sit ka geuseudia plastik sajan geuh, ata geulimeuh lam tong broih.
"Lheuh jikeurija ju kram-krum, laju geubalap keudeh u terminal baro, di Keude Aceh. Teuma na soe kalon, geusurak le ureueng kalon. Boh pane geu dong lom, geubalap ju lom keudeh u pasai buah." lanot calitra pak Faisal.
Ukuran nah suah meusom lam parek. Nyan dum, hana meuhoe tajo le di bang JU droekuh neukiraju.
Seubab bak geupike-pike han lheuh keue gobnyan, han ek geupike le, kakeuh geu seurah droe bak awak keupong. Jinoe ka jiamankan bak Polsek. Sambong pak peulisi nyan.
Meunurot pengakuan, ka dua go ka geukeurija cu kotak amal. Motif jih seubab keuneuk bayeu utang. Bah pih na keurija siuroe-uroe seubagoe awak bongkar muat di pasai impres Kota Lhokseumawe, teutap h'an sep sit.
Hana meupu sapu, ka suah duek lam peunjara meutujoh thon kiraju di bang JU. Alahai ma beh teuh. Buet neupubuet di droeneuh. Adak meudeh kon bek meunan. Bah pih meunyo neutanyong bak Apa hana meu'oh ban sit. Hana peng sit ngon bantu droeneuh bayeu utang.
nasaja kiraju keujadian. Meunan Apa baca bak AJNN ata jituleh le dek Sarina nyang paleng mameh lam donya.
0 Response to "Meukarat Bayeu Utang, Suah Jak Cue Peng Kotak Amal Aneuk Yatim"
Post a Comment