Lheuh Kheun keue Cina, Akhe Buet Donald Trump Suah Lake Tulong Bak Cina

Nasaja Berita - Donya, Brat buet kalinyoe di Amerika neukiraju. Lheuh phon leupah raya eumbong, tungang, kloe batat. Akhe buet suah lake bantu awak China untuk peubereh masalah corona.

Awai baroesa si Trump seulaku Presiden Amerika leupah gasa jipeulheuh tuto keue China ngon corona. Jinoe ka suah meulieh. Dan nyan sit ka akai Apa tuha budok antok nyan kiraju.

Kajeut keue pusat pandemi donya di Amerika jinoe. Hai 16 ribee droe ureueng positif lam si uroe. Bek susah teuh.

Ukuran suah telepon beu sigra keudeh u China. Langsong bak Presiden China, Xi Jinping bak uroe Jumeu'at 27 Maret 2020. Nyang ka pasti jih hana ji seumayang jeumeu'at. Jadi adak cot uroe timang jimeutelepon hinan sabee droe jih hana meudaleh.

Bak akun twiter jih jituleh le si Trump, meunyo ta peu Aceh meunoe:

"Ban lheuh ku telepon, kupeugh haba ngon Presiden Xi dari Tiongkok. jeulaih dan detil that ka kamoe bahai masalah virus corona nyang teungoh meuwabah di bumoe nyoe. China kalheuh hek jih sigo, jadi ka jikembangkan deungon bereh that untuk bhaih viruih. Jadi kamoe ngon China meukeurija sama deungon that-that. Hormat that!" 

Nyan ban tuleh si Trump lam basa Inggreh. Kon basa Aceh. Meunyo jih jeut basa Aceh, ka meuramah teuh, lam berita ta teunak si ta'eun budok nyan. Can ji sak teuh lam guantanamo kiraju.

Kiban h'an jilake tulong pih bak China. Seubab jinoe awak Amerika nyang ka keunong corona, positif ka 85.991. Lam si uroe baroe 16 meutamah ureueng positif. Lom pih di China awak nyan ka ek jipeuubat sampe puleh tuhan brie, seukitaran 74.181 droe nyang keunong corona.

Memang hayeu China untuk bhaih nyan. Hai ukuran Amerika suah lieh ie babah keulayi, lheuh ka jirudah baroesa. Indoneh aleh kiban. Pu keuh na lakee tulong bak China, hana info lom bak Apa. Hai seulaku Indoneh meurakan that ngon China.

Apa baca bak Viva beuklam seugolom teungeut.

Share this post