Koh Can Cina, Penduduk Amerika Paleng Le Keunong Corona

Nasaja Berita - Donya, Wabah Virus Corona atawa COVID-19 brat ganaih rupajih, data nyang Apa teume bak Jumat 27 Maret 2020 baroe, ka na seutengoh juta droe penduduk donya nyang positif corona dan 23 ribe leubeh ka meuninggai.

Apeudet nyan na disiarkan CSSE Johns Hopkins University, sampe poh 05:00 WIB, total nyang keunong corona  526.044 dari 157 neugara di ateuh bumoe nyoe.

Nyang ka meuninggai ka trok 23.709 droe jiwa. Seudangkan nyang ka ek jipeuubat dan puleh baro  122.066 droe.

Nyang brat gura, jinoe Amerika nyang paleng le positif corona ka trok 82.404 droe. Ukuran ka jikoh can China. Lam minet jikoh can China neukiraju. Memang sit Amerika nyan hanjeut sagai talo ngon China. Trok bak meu le-le ureueng sake, pih beu le awak nyan.

Hai ukuran baroe uroe Hameh mantong  69.171. Uroe Jeumeu'at ka 82 ribee. Teuman kon keubiet gawat di Amerika nyan. Lam siuroe 13 ribee droe ji ek jumlah pasien positif.

Di China 81.782 droe nyang keunong corona. Meunyo di Italia 80.589. Teuma di Italia leupah jai ureueng matee. Nyan nyang gawat di Italia nyan pih.

Le awak China kaleuh jipeuingat dan jiprediksi, nyan di Amerika ukuran trok meu 34 juta droe ureueng keunong corona. Bisa jadi 20 ribee droe matee. Hai nyan prediksi awak China.

Teuma di awak Amerika eumbong leupah raya. Seubab Amerika ka awai keunong. Leubeh awai daripada Wuhan. Teuman di awak Amerika, mantong jipike nyang flu biasa.

Brat tungang awak Amerika, bek neupike kiban. Hai presiden jih mantong sit eumpeun ta'eun. Lheuh kloe tuloe lom.

Meunyo di Indoneh ka na 893 droe nyang positif corona dan 78 droe ka meuninggai. Termasuk di Aceh sidroe. Seudang kan nyang puleh, baro 35 droe.

Maka dari nyan, bek sampe geutanyo Aceh lagee awak Indoneh di Jakarta. Pu lom lagee Italia atawa Amerika. Brat adeub teuh. Awak nyan, dum nan sep canggih alat kesehatan. Di geutanyo meu kama keue corona tok nam boh sagai bak RSU ZA. Maka beuhati-hati. Bek batat, bek tungang.

Apa baca bak Viva

Share this post