Ka Musibah, Jokowi: 2 Droe Awak Indoneh Ka Positif Keunöng Corona


Nasaja Berita - Jakarta, Ka paloe teuh, meunurôt geupaugah lé Presiden Joko Widodo ka na dua droe warga negara Indonesia (WNI) nyang keunöng virus Corona nyan. Gara-gara na kontak, teupèh ngön awak neugara Jepang, nyang positif keunöng Corona.

" Na awak Jepang nyang jak u Indoneh, lheuh nyan awak nyan ji tinggai di Malaysia. Sidéh jipréksa rupajih ka beutôi postif keunöng virus Corona nyan. Langsông jitren tim dari Indoneh jijak telusuri." Kheun Jokowi di Jakarta bunoe uroe, Seulanyan (2/3/2020).



"Nyang jeut keu korban positif na keuh machiek nyang umu geuh ka 64 thôn dan aneuk dara geuh nyang umu 31 thôn." Sambông Joko Widodo.

Nyoe keubiet ka glie teuh siangèn meunyo ka trôh u Indoneh. Teuman bèk sampé trôk u Aceh. Bak tanyoe ka macam moden virus na seubab.

Mulai dari virus teuga kheun keu gob, virus teuga meupaké sampé virus galak meuutang sampé peutuwö-tuwö droe bak bayeu pih na. Nyan nyang paléng le lam kawan. Teuma Apa h'ana rôh beh. Adak rôh pih, h'an meutém ngaku. Nyan dum kiraju.

0 Response to "Ka Musibah, Jokowi: 2 Droe Awak Indoneh Ka Positif Keunöng Corona"

Post a Comment

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel