Irwan Djohan: Keupu Na Jam Malam, Bandara Teuhah Ube Raya
Nasaja Berita - Banda Aceh, Nyan ban ka geumeusu salah sidroe Anggota Dewan Perwakilan Rakyat Aceh (DPRA) dari Partai Nasdem, Teuku Irwan Djohan. Geupeugah le ampon Irwan Djohan, hana meupeurle pih nyan jak peugot atoran jam malam.
Nyan, sang kon ka gawat meunyoe roh 'oh nan sagai neubaca ka neuboh titek. Ho ilee. Neupreh siat, na lanjutan bacut teuk, bek bagah that neucok keusimpulan. Eunteuk ka neupeubatat droeneuh, di awak droeneuh. Na pu teuh meuurusan ngon peulisi atawa teuntra.
Jadi pakon geupeugah hana peurlee jam malam nyan. hana peurlee jam malam, meunyoe ubee na pinto tamong keunoe u Aceh, mulai dari bandara, pelabuhan, bataih aceh-medan mantong teuhah seureuta bebaih meunan.
Seuhingga, haba ampon Irwan Djohan nakeuh,"Hana peurlee ta peugot jam malam, meunyo poemerinah jiteujeut cok kebijakan top ubee na pinto tamong u Aceh, lagee Bandara, Pelabuhan dan jalur darat, Medan-Aceh."
Meunurot ampon, nyan jinoe ka jam malam, peu pree aneuk miet dari sikula, ta yu top ubee na keudee dan usaha masyarakat, ta tham ureueng jak lam kawan ramee, madnum nyan hana yum sia-sia mandum nyan, meunyo bandara, pelabuhan dan terminal mantong lagee nyan teuhah dan bebaih.
“Ubee na pinto tamong u Aceh, pu keuh darat, laot tawa udara nyan mandum suah top. Pu lom bak ta ingat-ingat, mandum kasus pisitif Covid-19 nyang na di Aceh, mandum keujadian bak ureueng Aceh nyang trok dari lua Aceh." kheun Irwan Djohan.
Lheuh nyan geupeugah lom le ampon Irwan, fakta jih jinoe di aceh ka limong droe posiif corona, dan na meupadum ploh droe ka jeut keue Pasien Dalam Pengawasan (PDP), nyan lom nyangseutatuih jih Orang Dalam Pemantauan (ODP) pih meureutoh droe. makajih peurlee tat langkah nyang teupat dan timang untuk ta tangani nyoe.
"Jadi nyang haruih ta pubuet jinoe, seulaen ta top pinto tamong, nakeuh ta karantina dum ureueng nyang ODP nyan deungon keuta dan terpusat. Keunan mandum ta peusapat. 14 uroe minimal dan beu na perlindungan 2 jeum. Supaya bek meujampu lawok ngon ureung laen. Jadi ata bar han leupah jitamong, ata awai ka ta karantina." Meunan geupeujeulaih meukeusud le Irwan Djohan.
Yakin geuh, meunyo nyan cara dan beutoi ta keurija, maka poemerintah Aceh hana suah peugot jam malam dan sampe jak yu top teumpat usaha ata masyarakat. Jadi ekonomi masyarakat teutap jalan lagee biasa. Adak meukureung, meukureung bacut.
"Meunyo nyoe nyang ta terapkan, maka lon yakin that, bagah gadoh viruih corona di Aceh. Seubab nyang di dalam ka ta jaga, nyang di lua gan leupah le jitamong." Nyan ban kheun Anggota DPRA nyan.
Nyan ban, watee ka abeh neubaca, baro neucok keusimpulan. Meunyo golom meuphom, neubaca ulang.
Apa baca bak Anteroaceh nyang jituleh le Lala Nurmala lam basa Indoneh. Bek ilee lagee rap saban nan ngon nan Da Mulah Apa. Tapi teuntee lagak that Da Mulah.
0 Response to "Irwan Djohan: Keupu Na Jam Malam, Bandara Teuhah Ube Raya"
Post a Comment