Gara-gara Virus Corona, Raseuki Awak Gojek Ikot Meularat
Nasaja Berita - Banda Aceh, Memang nah, gara-gara isu virus corona nyan, abeh meutheun raseuki gob dum. Hai pakon ta kheun isu, seubab memang isu jih nyan. Bah pih bak gob ka le keujadian, ka nyata. Nyoe isu lam makna basa inggreh, nyang areuti jih eunteuk ta kalon keulayi lam kamuih.
Salah saboh profesi nyang ka meukureung raseuki nakeuh awak tarek RBT online. OJOL meunyo awak nyoe kheun lam basa gaul. Ojek Online.
Meunyo bak gampong Apa meukheun RBT. Teuma beda siangen ngon RBT nyang jidong bak simpang. Awak ojol nyoe suah ta peusan rot online. Apa hana meutu'oh sit lom kiban cara.
Salah sidroe awak tarek RBT online, Sufri ji calitra nyang bahwa seulama isu teuntang corona nyoe, brat that meupeungaroh keue pendapatan. Peng tamong ka ubiet. Hana le le lagee biasa.
"Awak pesan RBT online jinoe brat that meukureung ka. ureueng yo that keue corona." Meunan jicalitra le Supriadi gojek bak Acehimage bunoe uroe Hameh tanggai 19 buoleun lhee di banda Aceh.
Padahai le Supri nyoe, seureng ji seutenbay (Standby) di seukitaran pusat kota Banda Aceh. Nyan seukitaran pusat kota beh. Bek roh neurawon pikeran u pusat ureueng. Na buet teuh lom bak ta peuglah h'iem. Ata nah pikeran lawet nyoe ka brat that meu eskondel neukiraju dum ureueng.
Nyan memang salah saboh efek dari himbauan poemerintah untuk bek that meujak-jak bak taloe jalan seureuta teumpat ramee untuk padum saat nyoe.
Meunan Apa baca berita bak Acehimage nyang jituleh le Ikhsan, nyan calon linto aneuk kumuen Da Mulah nyang that meutuwah.
Pu lom di neugara geutanyoe, neugara Indoneh, sampe poh 12 uroe bunoe ka 309 droe ka kasuih nyang positif corona. Nyang meuninggai pih ka 25 droe. Jadi wajar that meunyo ureueng ka teumakot, dan poemerintah suah peuteubiet seruan dan himbauan. Deungon tujuan nyang pasti jih, supaya seulamat geutanyoe mandum.
Keue useuha ureueng nyang ka meukureung pemasukan bacut, kiban ta peugot teuman. teungoh lagee keuadaan donya, hana ta tu'oh peugah sapu nah.
0 Response to "Gara-gara Virus Corona, Raseuki Awak Gojek Ikot Meularat"
Post a Comment