Doto Azharuddin: Han Neutém Duek di Rumoh, Kakeuh Prèh Lagèe di Italia

Nasaja Berita - Banda Aceh, Direktur Rumah Sakit Umum Zainoel Abidin Banda Aceh, dr Azharuddin, geulakè bak masyarakat supaya bèk panik dan beuteutap duek di rumoh maséng-maséng. Bèk galak meurawöh keunoe keudéh bak taloe jalan atawa bak teumpat ramèe ureueng.

Nyan geusampaikan seubab sayang geuh keue masyarakat Aceh. Pu lom ka na sodroe pasien PDP nyang ka meuninggai deungön hasé laboratorium, positif Corona. Bak uroe Hamèh, 23 Maret 2020.

“Masyarakat bèk tungang, bèk batat, neu duek di rumoh. Supaya virus nyoe leumöh keudroe. Meunuo ureueng tanyoe batat dan galak lam kawan ramè, h'an neupatéh, kakeuh ta prèh lagè di Itaila. Meuribè maté ureueng." Kheun Pak doto.

Geupeugah lom, saat nyoe masyarakat beu saba, neukorbankan droe untuk duek i rumih meupadum minggu ukeu deungön tujuan, di virus nyan bèk sampé jiteumè duek bak geutanyoe seubagoe inang jih. Media teumpat ji duek virus. Meunurôt pak doto virus galak ji duek bak ureueng untuk peuteuga droe jih virus nyan.

"Maka bèk sombong, bèk teukabô seubab tanyoe teuga daya tahan tubôh. Seubab ureueng nyang lagèe nyan keuh nyang seubar viruih keue ureung nyang leumöh daya tahan tubôj," kheun Pak Azharuddin.

dr Azharuddin geuhimbau bak masyarakat beu neutém korban droe siat. Jaga kebersiah, rhah jaroe, jaga sekesahat, meunyo hana peurlè bèk teubiet rumoh. Saba. Seubab nyan keuh jinoe siat nyang paléng jeut ta pubuet.

mengimbau masyarakat agar mau berkorban, rajin membersihkan tangan, men

“Maka bèk le that hoe neujak, mangat bèk teupèh corona," sambông gobnyan.

Geupeugah lom, masyarakat jinoe beu ta brie kesempatan bak paramedis untuk jipeulaku nyang paléng jroeh lam peuubat corona nyoe. Bèk sampé ta tamah ngön pu laén ilèe.

“Bah buet ureueng nyoe ilèe siat geupeulaku pu nyang mungkén untuk pasien corona. Laén duek i rumoh,” meunan geu tôp lé Pak Azharuddin.

Apa baca berita nyan bak Acehtrend nyang geutuléh lé Hendra Keumala. Ureueng nyan geutalipun pak doto.

Share this post