9 Droe Teunaga Medis RSU Meulaboh Diisolasi
Nasaja Berita - Banda Aceh, Alahai ma beh teuh neukiraju. Rap gabuek teuh man saboh Aceh. Jadi bunoe uroe, Sabtu, tanggai 21 Maret, sikureung droe awak teunaga medih nyang keurija di Rumoh Saket Cut Nyak Dhien (RSUCND) ka suah isolasi u rumoh maseng-maseng.
Ukuran nah suah bagah-bagah woe u rumoh, jak peumeusom droe nyan dum.
Keue seubab na neuteupu? Seubab jih nakeuh gara-gara ban lheuh jitangani pasien nyang seu-um asoe, sesak nafaih, batok seureuta pilek. Teuma meunyo nyan gelaja, kon ka teuingat keue corona. Kakeuh lagee haba nyan ju. Suah jak meusom ju ilee. Takot-takot nyo keubiet, ka tersebar peunyaket.
Di pasien nyan asai dari Jawa Barat. Teuman seubab meunan geujala peunyaket, daripada-daripada kakeuh laju jirujuk keudeh u Rumoh Saket Zainoel Abidin, Banda Aceh. Ngon moto ambulance ji ba.
Meunurot info, di pasien nyan pih na awai kalheuh trok bak Rumoh Saket Swasta Harapan Sehat Meulaboh, dan Rumah Sakit TK IV 07.02. Teuman aleh pakon ka le that rumoh saket geujak pih. Pu keuh awak rumoh saket, han jiteujeut tangani. Nyan pih hom, trok keunan hana info lom.
geupeugah le Kepala Seksi Hubungan Masyarakat (Humas) RSUDCND Meulaboh, Susi Maulhusna, Nyan peutugaih medih nyan isolasi mandiri. Jak som droe di rumoh siat. Eunteuk lheuh jiteubiet hasil le pasien bunoe nyan, meunyo negatif, baro awak nyan tugaih keulayi di rumoh saket.
"Awak nyoe ta yu woe, untuk isolasi mandiri, di rumoh maseng-bermaseng, Eunteuk watee ka na hasil dan negatif ata pasien bunoe nyang awak nyoe tangani, baro awak nyoe keumbali tugaih di rumoh saket." Kheun ibu Susi Maulhusna nyan.
Meunan Apa baca bak AJNN ata jituleh le Darmansyah Muda bunoe uroe.
0 Response to "9 Droe Teunaga Medis RSU Meulaboh Diisolasi"
Post a Comment