Rocky Gerung: Sangkira Droekuh Presiden, Ka Kupeucat Keupala BIN
Nasaja Berita – Jakarta, That na teuh bung ROcky Gerung nyoe bak jibrie komentar teukaet masalah keujadian keunong top Wiranto bak Pruet, di Padenglang, Banten baroesa.
Meunurot Rocky Gerung, watee jiwawancara bak Realita Tv le si Rahma Sarita uroe Sabtu baroe (12/10), nyan salah BIN. Seubab meunurot jih, si peulaku, Abu Rara nyan ek jiteume na bak lokasi dan jimeungon ngon masyarakat sinan.
Nyang phon, si Rocky hireuen jih, pakon keupala BIN jipeugah ka jicom be-be na nyang akan jak top Wiranto lhee buleun nyang ka leupah. Tapi peulaku ka lam kawan hana jiteupu.
Nyang keudua si Rocky brat lom hireuen jih, lam minet nyan ju, ek jivoih le peulisi ngin BIN si Abu Rara nyan awak JAD (Jaringan Ansharud Daulah).
"Kiban cara langsong jiteupu? Meunyo memang beutoi, pakon ek jiteume top? Adak meudeh kon ka jiturie, pu lom leumah ji ba sikin ninja nyan?" Kheun Rocky Gerung.
"Sangkira droekeuh Presiden, ka kucopot atawa gantoe atawa peucat Keupala BIN nyan, ek jiteume silap dan kecolongan kiraju." Lanjot Rocky Gerung nyang seureng leumah bak ILC nyan, sampe-sampe jiboh gelar Prof le Karni Ilyas, bah pih hana tom jak kuliah S2 atawa S3. Peureuseh lagee awak nyoe boh nan prof keu Teungku Kasem meukat ubat kiraju.
Meunan Apa baca bak Gelora malam baroe. Teuman inoehat baro jeut meu apeudet keunoe. Teungoh sibok siangen, jak ba aneuk kumuen Da nyang teumamong bak sumbo. Gadoh jiklok bantai kiraju, na beukah bantai meu lhee boh ka. Nasaja keujadian.
0 Response to "Rocky Gerung: Sangkira Droekuh Presiden, Ka Kupeucat Keupala BIN"
Post a Comment