Mantan Aktivis: Adék DEMA, Kecewa Keu Rektor, Bèk "Peubangai" Langsa
Nasaja Berita – Banda Aceh, Nyoe seugolom Apa tuléh nyoe, Apa peutrang ilè bak nyang baca, bahwasajih nyang kirém rilih nyoe geumeungaku droe seubagoe salah sidroe mantan aktivis mahasiswa dari Kota Langsa. Dan haba nyoe geukirém via inbox bak FB Apa.
Keu nyang kirém, Apa lakè meu'ah seubab meuedit siangèn, seubab na tutô nyang brat that gasa. Bah pih lam basa Aceh kadang leubèh meurasa, nyang brat that gasa bèk sit. Meubacut mantöng keu meurasa hana meudalèh, meuhan kön Aceh nan jih.
___
Seugolom jih na judul berita bak Penanegeri.com nyang jipeuék haba dari DEMA IAIN Langsa nyang peugah bahwasajih deungön geutham hadirnya Rocky Gerung untuk isi seminar di IAIN nyan nakeuh seubab na pihak nyang hawa ureung Langsa nyoe la bangai sabé.
Beu ta teupu hai adék mahasiswa nyang meutuwah. Kön ngön trôk di Rocky Gerung nyan caröng ureung Langsa. Si Rocky nyan meu Tuhan ttan jiturie, meu droe jih tan jitusoe. Han ta patéh lôn peugah, ci mita refefensi teuntang jih. Bèk seubab jih teuga that jikiritik bahkan jikheun keu peunguasa neugara nyoe, nyan ka beutôi that jih.
Beutôi dan ku akui sit, jih caröng peugah haba. Tapi lagè haba gata bak Penanegeri nyan, untuk peuudép demokasi dan kritik keu pemipin kön hana wajéb jih saré. Bèk bak ka terkenal jih, ka beutôi raya haba si gam nyan.
Ci ka mita narasumber nyang nyo nyo mantöng. Nyang beutôi peucaröng ureung, peu udép nalar kritis.
Nyan tutô gat hai adoe, ureung Langsa Lam Kedunguan, atawa Ureung Langsa Lam Bangai Sabè, nyan ta lhôh droeteuh. Pat nyang ka abéh bangai ureung Langsa? Ci tunyôk pat. Pat teuman nyan? Pu keuh trok si gam nyan keunoe ek jipeucarong lagee jih mandum? Hana peureule pih carong lagee jih. Hana meunafa'at.
Kamoe awai aktivis sit lagè gata jinoe. Teuman hana meujak peudewa that sidroe-droe ureung. Seubab lam seujarah ka teubukti, Apa Ta'a dum meunan ka trôh h'eut.
Tapi teutap lôn meuphom, awak gata nyan ka susah, ka panik, seubab le that suah tanggông ata peserta nyang ka jibayeu untuk jak seminar nyan. Dan seumoga kon seubab hana meuteume selfie ngon si Gerung.
Meunyo memang gata keucewa, ta peubeungèh droe keu pihak rektorat nyang tham, dan bèk jak peugah ureung Langsa dungu atawa bangai. Langsa dalam Kedunguan nyan saban lagè kakheun Langsa Bangai.(*).
(Andi Sulaiman/ Leman, Lulusan 2008)
Nyan ban neukiraju. Seubeutôi jih basa gobnyan nyan meu kah that, dan na teumeunak meu lapan göe. Nyoe ka Apa peuhalôih siangen. Nasaja kiraju. Poto bang Leman nyan han geubrie bôh, nyan poto awak DEMA IAIN Langsa.
(Andi Sulaiman/ Leman, Lulusan 2008)
Nyan ban neukiraju. Seubeutôi jih basa gobnyan nyan meu kah that, dan na teumeunak meu lapan göe. Nyoe ka Apa peuhalôih siangen. Nasaja kiraju. Poto bang Leman nyan han geubrie bôh, nyan poto awak DEMA IAIN Langsa.
0 Response to "Mantan Aktivis: Adék DEMA, Kecewa Keu Rektor, Bèk "Peubangai" Langsa"
Post a Comment