Krak Reman! Jak Kheun Iblih Keu Erdogan, Surat Donald Trump Langsong Lam Tong Brôih
Nasaja Berita - Turki, Presiden Turki, Erdogan nyang jithee ceubeuh lagoeina, meunurôt laporan awak nyoe di Turki sideh, jiteujeut beh surat dari Presiden Amerika Serikat, Donald Trump. Seubab lam surat nyan, Donald Trump arakate ta'eun ija brok nyan jikheun keu Erdogan, bek sok beuhö ngon ngeut. Seubab meunurot si Trump, Turki haruih peugot kesepakatan damai ngon awak Kurdi, nyang teungoh jiprang le Erdogan. Keu pakon jiprang nyan hom. Padahai awak Kurdi nyan, ureung droe teuh sit, Islam. Kadang pu na masalah, hana ta teupu.
"Presiden Erdogan jiteurimong surat nyan, lheuh jikalon langsong ju ji boheh lam tong broih." Meunan jipeugah bak BBC ngön bak Russia Today, uroe Hameh 17/10/2019 baroe.
Adak peujabat laen nyang na di Turki meunan sit geupeugah dum, lagee jituleh bak Middle East Eye. Apa hana meubaca bak koran basa Inggreh nyan. Hana get meuphom seubab. Kakeuh meubaca bak Korankita.top mantong, seubab korankita.top nyan jipeugah droe koran kita paling top. Hana jiteupu Nasaja Berita nyang paleng bereh.
Surat nyan nakeuh surat bak tanggai 9/10 baroe. Trump jigeurtak Turki, meunyo macam-macam ngon awak Kurdi, jibrie sanksi ekonomi.
"Seujarah ukeu akan jikalon kah nyan seubagoe iblih meunyoe ka peulaku nyang kon-kon. Bek sok hayeu kah. Bek bangai hai ngeut." Meunan kira-kira meunyo ta terjemah u basa Aceh asoe surat si Trump lam basa Inggreh Amerika nyan. Hai meunan jipeugah bak link berita lam basa Indoneh dum.
That geusoh min dih kiraju. Macam keujadian dum. DI si Trump nyan pih tan ji thee droe jih, jak kheun keu gob iblih, jih meubajeung iblih kiraju sajan. Mansaboh tuboh, dari ujong ôk nyang kon wareuna itam, sampoe 'an ujong gak nyang that kh'op be ceumeukam meuiblih si gam budok arakate ta'eun ija brok trump nyan. Tanda tangan jih pih leupah brok, ci kalon han neupateh. Nasaja kiraju.
0 Response to "Krak Reman! Jak Kheun Iblih Keu Erdogan, Surat Donald Trump Langsong Lam Tong Brôih"
Post a Comment