Polda Janji Usut Kasus Peu ék Bendera Bintang Buleun dan Kasus Peulisi Poh Cage
Lam keujadian nyan Azhari Cage seulaku aggota dewan terhormat dari Partai PA meunurôt pengakuan na keunöng sôh bak peulisi (keroyok).
Geupeugah lé Kabid Humas Polda AcehK ombes Pol Ery Apriyono pihak peulisi ikôt prihatin deungön keujadian nyan, akibat buet anggota peulisi nyang ka di lua kontrol lam meukeusud peuaman padum-padum droe mahasiswa watè demo bhaih bendera baroesa nyan.
"Kamoe prihatin ateuh keujadian nyan dan akan kamoe usut sampoe tuntaih kasus anggota peulisi nyang poh salah sidroe anggota DPRA." Khrun Pak Erry.
Geuseubutkan nyang bahwa keujadian nyan watè aksi unjuk rasa atawa demo peringatan 14 thôn MoU Helsinki bak geudông kantô DPRA untuk jak peu ék bendera bintang buleun bak tiang bendera di kanô nyan.
"Kamoe meudeteksi na skenario nyang jirencana deungön rapi that (sistematis) lé padum droe pihak untuk peu ék bendera bintang buleun. Dan akan kamoe usut kasus nyan." Lanjôt Pak Edy.
Tindakan jak peutrön bendera mirah putéh dan jak gantoe deungön bendera bintang buleun nyan meulawan deungön undang-undang seureuta aturan nyang na di neugara Indoneh. Pu lom kalheuh geupeubateu lé Menteri Dalam Negeri lam surat Nomor: 188.34/2723/SJ tertanggal 26 Juli 2016 nyang geutuju keu PresidenRepublik Indonesia.
Lam hai nyan pihak kepolisian wajéb cok saboh tindakan nyang teugaih dan teuukô ateuh sibeurangkasoe nyang jak peutrön bendera mirah putéh seureuta jak peu ék bendera bintang buleun.
"Kamoe meu nilai tindakan anggota personel polresta Banda Aceh nyan saboh tindakan untuk peububar massa nyan ngön cara nyang persuasif." Meunan geupeujeulaih lé Pak nyan.
Teukaét deungön na laporan nyang bahwa na okeunum peulisi nyang poh salah sidroe Anggota DPRA, geupeugah lé Pak Ery nyan, pihak gobnyan akan geuusut, penyelidikan ngön penyidikan akan geulakukan seucara komprehensif dan holistic (menyeluruh) teuhadap nyang terduga, nyakni pesonel peulisi nyang seumeupoh nyan.
"Meunyo eunteuk terbukti, pasti akan meutindak dan meujok sanksi atawa hukoman seusuai deungön jeunéh pelanggaran daneusuai deungön SOP (Standar Operasional Prosedur) nyang meumat." Meunan geutôp haba lé Pak Edy.
Meunan Apa baca bak AJNN ata geutuléh ké bang Tommy baroe. Teuman nyoe barô seumpat Apa peu ék keu berita bak Nasaja Berita. Sibôk that lawét nyoe neukiraju. Meuwét-wét bak taloe jalan.
0 Response to "Polda Janji Usut Kasus Peu ék Bendera Bintang Buleun dan Kasus Peulisi Poh Cage"
Post a Comment