Keujadian di Kantô DPRA Baroe, GAMS Aceh: Ka Guransang Keulayi Bansa Aceh
Nasaja Berita – Banda Aceh, Lheuh meukalön keujadian nyang jipubuet lé okeunum peulisi Polresta Banda Aceh deungön jidrop 5 droe mahasiswa dan keujadian jipoh salah sidroe anggota DPRA dari Partai Aceh bak uroe peuingat 14 thôn damè Aceh di geudông kantô DPRA, ramè that ureung Aceh nyang hana seunang ngön keujadian nyan. Termasuk diantara jih GAMS Aceh (Gerakan Aneuk Muda Sosial).
Tapi teutap meuteurimönggaséh bak peulisi seubab deungön keujadian nhan masyarakat Aceh ka jiék keulayi seumangat untuk ingat keulayi kiban peudéh masa konflik dilè.
Ketua GAMS Aceh, Riski Maulizar geukiré pers rilis, geupeugah "Lon sangat lon sesalkan keujadian jak drop 5 droe mahasiswa dan keujadian jipoh anggota DPRA nyang teungöh lam tugaih teurimöng dan tampông aspirasi dari rakyat Aceh teukaét le that hai nyang golom bèrèh seulama ka 14 thôn MoU Helsikni."
Tapi geuucap teurimönggaséh keu okeunum peulisi nyan seubab jipubuet meunan, sehingga ka jaga ureung Aceh daei segala elemen masyaramat untuk peubeudöh keulayi rasa perjuangan ateuh buet nyang hana adé lagè nyoe. Masyarakat Aceh akan meupeujuang keulayi hak-hak nyang goh meureumpök rasa.
Meunurôt Riski, Bendera Bintang Buleun nyang jipeujuang dan jiuseuha lé mahasiswa lam aksi nyan nakeuh bendera bansa Aceh. Kön bendera GAM.
Polemik bendera nyan jeut keu saboh pengkhianatan nyang leupah rayek ateuh MoU Helsinki di Finlandia. Seubab lam masa nyan GAM ka seupakat damè. Jadi hana lé nan jih separatisme atawa Kelompok Kriminal Bersenjata.
Bendera perjuangan kemerdekaan masa konflike dilè ka jiakui lé donya kön bendera sparatis, dan cok damè ngön RI pih deungön bendera nyan. Pakön jinoe ka jipeugah meulanggar undang-udang atawa harus revisi ini itu. Sambông ketua GAMS Aceh nyan lam rilieh berita nyan.
Jadi kamoe meuharap masakag nyoe beusegera seulesoe pikeuh dari pihak GAM atawa RI. Dan kamoe meutuntut bak negara untuk peulheuh rakan mahasiswa kamoe. Nyoe neugara demokrasi, mandum jeut brie pendapat, dan pendapat harus ta hargai. Kön jitham atawa jisumpai babah teuh, lagè masa konflik dilè. Bèk sampé parôt nyang gohlom puléh teuhah keukayi jeut keu luka nyang meudarah peudéh leupah na.
Meunan Rilis berita nyang jikirém keu Apa bak inbox lé awak GAMS Aceh. Nasaja kiraju.
0 Response to "Keujadian di Kantô DPRA Baroe, GAMS Aceh: Ka Guransang Keulayi Bansa Aceh"
Post a Comment