IKAT: Meunyo Pomerintah Aceh Han Neubela Abdul Somad, Droeneuh Kamoe Ikat
Nasaja Berita – Banda Aceh, Lam kha uroe tarék na leubèh kureung meu dua reutôh droe massa jak bak acara jak bela useutad Abdul Somad.
Teungku Umar Rafsanjani nyang wakili Ikatan Alumni Timur Tengah (IKAT) Aceh ikôt geu peugah haba lam acara unjuk rasa demo dan aksi bela ulama baroe (23/8) deungön tema Gerakan Umat Bela Ulama nyan di keu kantô Gubernur Aceh, lheuh meukumpôi massa dari Mesjid Raya Baiturrahman, seuleusoe seumayang Jeumeu'at.
Teungku Umar geurawi bacut ata nyang kalheuh awai kiban useutad Abdul Somad nyang toe that ngön Aceh. Bahkan na meu peut gö geutém jak u Aceh seucara resmi ateuh undangan Poemerintah Aceh. Padahai Useutad Abdul Somad nyan leupah punoh jaduwal droegeuh. Tapi teutap geutém jak. Nyan dum geutém di Teungku Abdul Somad keu Aceh neukiraju.
Teungku Umar geuwakili IKAT, seubab meunurôt geupeugah hinan, sit deungön IKAT keuh mudah trôk useutad Abdul Somad nyoe u Aceh, kiban IKAT seulaku persatuan alumni-alumni mahasiswa nyang na jak kuliah di nanggroe-nanggroe Arab (lagè Mesir, Sudan, Yaman, dan laén lom).
Jadi Teungku Umar geusayangkan seubab hana meusaboh pih bahasa nyang jiteubiet lom dari poemerintah Aceh untuk bela Abdul Somad. Bak ujông geukheun lé Teungku Umar Rafsanjani Lc,MA nyan akan geuikat poemerintah Aceh meunyo han geutém bela useutad Abdul Somad.
"Kamoe dari IKAT meuharap poemerintah Aceh bela Abdul Somad. Meunyoe poemerintah hana cok sikap untuk bela Abdul Somad, awak droeneuh nyang kamoe ikat." Meunan geutôp orasi lé Teungku Umar Rafsanjani nyang juga sidroe pimpinan dayah mini Darussalam di gampông Alue Naga Banda Aceh. Teumpat geutueng aneuk yatim nyang fakir miskin untuk beut bak dayah nyang keubiet mini (ubiet) nyan.
Han neupatéh kakeuh neu nonton bak Video Yutub nyo nyang huruh jih teubai nyan neucoklek ju.
0 Response to "IKAT: Meunyo Pomerintah Aceh Han Neubela Abdul Somad, Droeneuh Kamoe Ikat"
Post a Comment