Bendera Alam Peudeung Ka Meukuprak Di Banda Aceh
Nasaja Berita – Banda Aceh, Leupah le bendera Alam Peudeung nyan ka meukuprak di Banda Aceh baroe neukiraju. Nyan hanjeut keu masalah lam MoU atawa Undang-Undang bhaih bendera Aceh beh. Seubab nyang jeut keu masalah sit tok meunyo bendera Bintang Buleun.
Di gampông Mulia, Kuta Alam, Banda Aceh, nibak uroe Lasa (20/8) baroe, na acara peringatan 480 thôn teubangun hubungan antara Aceh-Turki nyang geupeuduek acara jih bak komplek kuburan Baba Daud ar-Rumy. Nyan Baba Daud Ar Rumy nyan meunyo hana salah Apa nyang tuléhbkitab Masailai nyang ta beut yôh masa ubeut jameun.
Darlis Azis, seulaku penyelenggara keugiatan nyan geupeugah nyang bahwa bendera Alam Oeudeung nyan untuk meuingat keulayi kiban gagah dan gurangsang Aceh masa dilè. Trôh u Turki geupeugöt hubungan.
Geupeugah lom, bendera Alam Peudeung nyan kön benddera pemberontakan atawa perlawanan, tapi nyan saboh simbol kepribadian ureung Aceh. Meunan meunyo ta tilék lam seujarah.
Darlis Azis nyang merupakan Keutua Perhimpunan Pelajar Indonesia (PPI) Turki geusambông lom nyan bendera nyan ka dari thôn 1412 Masehi ka na. Watèè geuduek Sultan Ali Mughayat Syah keu Raja di Aceh Nanggroe Darussalam jameun.
Meunurôt Darlis Azis nyan bendera nyan kön cuma simbol bendera kesultanan tok. Tapi nyan lambang dari kiban teguh haté ureun Acrh.
"Peringatan 480 thôn hubungan Aceh ngön Turki dari thôn 1539-2019 nakeuh saboh momentum untu ta teupu kiban seujarah Aceh nyang meusyeuhu. Dan nyan jeut keu bagian ta promosi Kota Banda Aceh, khusus jih gampông Mulia dan gampông Bitai seubagoe sumber seujarah.
Meunan Apa baca bak AJNN nyang geutuléh lé bang Asrul.
0 Response to "Bendera Alam Peudeung Ka Meukuprak Di Banda Aceh"
Post a Comment