Alhamdulillah, Rumoh Nek Syarifah di Pidie Ka Geubantu Lé Polantas Polda Aceh
Nasaja Berita – Pidie, Lam rangka peuingat uroe ulang tahun Lalu Lintas Bhayangkara nyang keu 64, Direktorat Lalu Lintas Polda Aceh kalinyoe meukeurijasama ngön Dinaih Sosial (Dinsos) Provinsi Aceh kalinyoe geujak renovasi, peugöt dan seubarô rumoh nyang hana layak lé untuk geutinggai, nyang na di gampông Lampoh Krueng, Kecamatan Kota Sigli, Pidie.
Dinsos Aceh geubantu bahan bangunan rumah (BBR) meuseu lagè batè, seumèn, anoe, kayè dan laén-laén untuk peugöt du boh rumoh nyan.
Bantuan langông geujak intat lam bentuk pèng lé Kadis Dinsos Aceh, Drs. Alhudri MM meulalui Kabid Linjamsos (Perlindungan dan Jaminan Sosial), Yusri, S.Sos dan dari peulisi nyang wakili Dirlatas Polda Aceh Kasubbag Renmin Dirlantas Polda Aceh, Kompol Zuliadin SH.
Geupeujôk bak Keupala Dinaih Sosial Pidie, Drs Muslim, langsông di keu rumoh Nek Syarifah (60 thôn ka umu geuh Nek nyan) bak tanggai 21 buleun Agustus 2019, Rabu baroe. Dan rumoh aneuk Nek Syarifah nyan nyang teurimöng bantuan program renovasi rumoh.
Yusri bak geupeujôk bantuan nyan geupeugah nyang bahwa bantuan BBR nyan deungön keurija sama ngön Dirlantas Polda Aceh.
"Bunoe sajan pihak Dirlantas Polda Aceh kalheuh meujôk bantuan BBR bak Kadinsos Pidie." Kheun gobnyan.
"Tanyoe akan ta renovasi rumoh nyoe nyang mantöng aleu jih tanöh, hana meuseumen lom. Bantuan nyoe dari Dinaih Sosial Aceh dan Dirlantas." Sambông gobnyan lom.
Nek Syarifah meunurôt geuakui keudroe, trép that ka hana meureumpök bantuan sapu. Jinoe seunang that, bahkan teuklik geuh, terharu.
"Lawét nyoe hana tom trôh bantuan sapu. Tameulakè bak Poe sagai. Nyoe ka na bantuan, alhamdulillah that. Seunang lon." Kheun Nek Syarifah.
Meunan Apa baca bak AJNN bunoe lheuh seumayang Leuhô.
0 Response to "Alhamdulillah, Rumoh Nek Syarifah di Pidie Ka Geubantu Lé Polantas Polda Aceh"
Post a Comment