Teungku Marbawi Yusuf RTA: Pomerintah Aceh Bek Ye Peudong Hukom Qisas
Nasaja Berita - Banda Aceh, Lawet nyo le that ka keujadian nyang ta deungo ka troh u Aceh ureung poh matee ureung laen lam masa damee. Hana meuyum le nyawong manusia. Hana si jameun lam masa konflik, yum nyawong seugtu sahoe ngon yum camplie di pasa. Nyan laen keunira.
Seubab meuseubab le keujadian nyan keuh, di Ketua RTA atawa Rabithah Thaliban Aceh nyang ban teupileh seugolom buleun puasa baroesa, Teungku Marbawi Yusuf kalinyo geusampaikan supaya pomerintah Aceh kajeut meuduek deungon DPRA seulaku legislatif. Dan bek Teungku MPU nyang meuphom bagian hukom fikah.
Nyan lam uroe Aleuhad tanggai 11 baroe geusampaikan le Teungku Marbawi. Sang bak awak Sinarpost langsong geusampaikan, seubab na kode Rel bak ujong berita sinan. Bak Apa hana roh geusampaikan, aleh tuwo geuh. Kadang tuwo, seubab le jaduwal ceuramah ngon dong imum seulama buleun puasa. Ka ta maklum, Teungku.
"Ka padum trep ka penerapan syari'at islam sinoe lam nanggroe Aceh nyo. Bak sang kajeut untuk peudong hukom qisas. Tujuan jih, mangat ye ureung bek jiseumeupoh le. Mangat ye ureung peugadoh nyawong hamba. Ka glie dan meudarah atee teuh bak ta kalon karap rata sagoe na ta deungo berita pembunuhan." Kheun Tgk Marbawi Yusuf.
Bahkan geukheun le Tgk Marbawi, bek glie keu hukom Qisas, seubab logika jih meunyo glie atawa alergi teuh keu hukom qisas, nyan ka seugitu sahoe makna jih geutanyoe ta peulheuh angen keu ureung untuk jeut poh matee ureung. Seubab hukoman hana seutimpal lagee buet.
"Meunyoe tanyoe ta pandang bahwa hukom qisas nyo kejam, nyan na kureung beutoi bak cara seumike. Seubab seubeutoi jih nyang keujam nyan ureung nyang harus ta qisas. Jadi qanun hukom qisas nyo saban deungon ta hukom ureung keujam lagee neuduek. Peugadoh nyawong balah jih harus deungon nyawong, nyan baro seutimpal." Kheun Teungku Marbawi.
Teukaet meunyo na awak luwa Aceh atawa luwa naggroe jak kritik atawa jikheun macam -macam geu Ach teukaet lahee hukom qisas, meunurot Teungku Marbawi hana payah tajak boh pikee. "Aceh nyo nanggroe geutanyoe, geutanyoe na cara droe teuh bak ta peudong hukom. Lom pih nyan hukom Islam untuk kemaslahatan masayarakat droeteuh. Jadi pomerintah bek ye." Kheun Rais 'am PB RTA, Tgk. Marbawi Yusuf.
0 Response to "Teungku Marbawi Yusuf RTA: Pomerintah Aceh Bek Ye Peudong Hukom Qisas"
Post a Comment