Haji Fadhil Rahmi: Teurimonggaseh Keu Mandum Rakan, Syedara dan Masyarakat
Nasaja Berita - Banda Aceh, Salah sidroe calon DPD Aceh nyang akan duek keudeh u Senanyan, Jakarta, Haji Fadhil Rahmi kalinyo geuucapkan teurimonggaseh keu ubee rakan syedara seukalian, mandum pihak seubab ka geutem pileh dan geupeucayakan beliau nyan keu DPD Aceh.
Geupeugah le Teungku Fadhil, "Lon bersyukor that, dan teurimonggaseh that bak mandum pihak nyang ka geubrie keusempatan untuk duek bak DPD periode troh nyo. Amanah nyoe akan lon jaga dan lon laksanakan deungon get." Nyan ban haba nibak uroe Seulanyan, tanggai 13/5, baroe.
haji Fadhil nyo meurakan that ngon Useutad Abdul Somad nyang meusyeuhu leupah na nyan. Pokokjih Apa kalon, hoe nyang na UAS, na Haji Fadhil. Trep that ka geumeurakan dua geuh dari SMP aleh sampe troh keudeh u Mesir. Meunan Apa deungo calitra dari ureung nyang peugah.
Meunan sit, asai na geujak Useutad Abdul Somad keunoe u Aceh, nyan passti Haji Fadhil di geunireng. Hanjeut kon, mesti nyoe. Ada pih kon, nyan mungken si ge-ge sagai.
Na meuteume suara 227.624 neuk seluruh Aceh. Watee ji khok palee bak sidang pleno malam Seulanyan, beurarti gobnyan bak lumboi 2 ji duek. Meunyo lumboi 1 ka jeulaih Haji Uma. Le suara haji Uma ngon suara keu Jokowi di Aceh neukiraju. han ek koh.
DPD nyan 4 droe jatah dari Aceh. Peringkat keu 3 na Fachrur Razi, S.IP, M.IP nyang masa ek periode nyang ka leupah, tom geupeugah akan peudong kanto PBB di Aceh. Teuman sampe inoehat hana meu jiglong pondasi pih lom. Nyang na kanto PBB, Partai Bulan Bintang ata Yusril Ihza Mahendra sagai, nyan pih sang ka payah geumbok pinto. Nasaja kiraju.
Meunyo urutan keu 4 atawa keu chot, mantan Gubernur Aceh masa Darurat Militer jameun, Ir. H. Abdullah Puteh. M.Si Hana syok teuh di gobnyan muteumee le suara. Hana karu-karu, ka gob nyan leupah sidroe teuk keudeh u Jakarta.
Seulamat dari Apa Raban keu Haji Fadhil nyang ka leupah u Senayan. Beu jroeh sinan lam geudong dan kureusi nyan. Eumpueng sidom seubab lam geudong nyan. Bek sampoe abeh meuleukup, gatai mansaboh tuboh. Peujak lagee buet, pubuet lagee na.
Meunan Apa baca bak Liputan Aceh, nyang berita nyan geucok dari Kabar Bireuen.
0 Response to "Haji Fadhil Rahmi: Teurimonggaseh Keu Mandum Rakan, Syedara dan Masyarakat"
Post a Comment