APBA Ka Ji Teken, Kontraktor Beu Ligat Ikot Lelang Bek Bree Mita Proyek

Nasaja Berita – Banda Aceh, Plt Gubernur Aceh nyang seugolom jih jeut keu Waki Bang Wandi, teuman seubab bang Wandi hana bereh ngön KPK lom kakeuh beliau ju, Pak Nova Iriansyah bunoe watee meureumpök ngön wak nyoe di Lhokseumawe geupeugah APBA ka lheuh ji teken le Mentri Jokowi bak tanggai waploh nam baroe. Watee troh Prabowo u Aceh. Ureung Aceh gabuk ngön Prabowo, APBA ka sah. Memang beurkat that Prabowo jak u Aceh. Aleh ek na meucawi'ek keunan pih hom, ta kira na ju. Bek karu-karu nah.

Seubab ka sah APBA, jinoe kajeut peugöt jadwal lelang proyek. Mangat bek mate peng lam reugam. Ka can lom awak kontraktor neukira ju. Nyoe kalinyoe ek ta keumira, adak abeh batere kolotor, ta tem bloe batre baro. Peng dum, meu seu ee ji ruwah peng le Pusat keuno u Aceh.

Rencana eunteuk malam meunyoe meuteume duk rapat bahaih masalah APBA antara Banggar (badan anggaran) DPRA deungon TAPA (Tim Anggaran Pemerintah Aceh) dari pihak eksekutif. Meunyoe lancar rapat dan meuteume khöm palee, thon ukeu (hai 2019 kön thon ukeu sit) bak tanggai tujoh ka jeut buka lelang. Nyan kontraktor bek bree. Proposal peubereh ju, meunyoe hana bereh, neupakat Apa peugöt. Mangat Apa peubereh. Asai na weuk bacut watee cae.

Nyoe kalinyoe ka mulai teukhem sang awak Dewan, bagah cae APBA. Pu lom nyang ka peu toe-peu toe droe ngön awak kanto Gubernur. Bak-bak keudee kupi ka rumeh sang. Ukuran jep kupi jeut hana saka. That meu'oh ju.

Meunyoe na syara neuh nyang kontraktor neu peutroh haba nyoe beh. Meunyoe hana Pt lom, neu yu peugöt Pt pura-pura ju ile siat, dang-dang na Pt, keubiet-keubiet. Keu direktur neu tuleh nan Apa Raban ju, mangat meuteume ikot lelang proyek. Hana payah nyang lehle that saree. Na proyek siploh M ka meumada. 2 M ta keurija, 8 teuk ta weuk dua. Ta wek-wek gaki di Malaya meu sibuluen. Ta gisa teuma u nanggroe. Nasaja kira ju akai. Bek that neu ikot beh haba Apa.

Sumber berita ata cakradunia.co beh. Poto aa bak gugel. Apa cuma rawi lam basa Aceh ateuh meja kupi keu web nasajaberita.com Bek ragu watee neu share, Apa Raban hana tuleh hoax neukira ju.

Share this post